കശ്​മീരിലേക്ക്​ യാത്ര അരുത്​, ഇന്ത്യ സന്ദർ​ശിക്കു​േമ്പാൾ അതിജാഗ്രത വേണം-അമേരിക്ക

വാഷിങ്​ടൺ: കിഴക്കൻ ലഡാക്കും ലെയു​െമാഴികെയുള്ള കശ്​മീരി​​​െൻറ മറ്റു ഭാഗങ്ങളിലേക്ക്​ പോകരുതെന്ന്​ അമേരിക്ക. അമേരിക്ക സഞ്ചാരികൾക്കായി പുറത്തിറക്കിയ പുതിയ യാത്രാ സഹായിയിലാണ്​ നിർദേശം. ഏറ്റുമുട്ടൽ രൂക്ഷമായതിനാൽ ഇന്ത്യ- പാക്​ അതിർത്തിയിയുടെ 10 മൈൽ ചുറ്റളവിൽ സഞ്ചരിക്കരുതെന്നും അമേരിക്കക്കാർക്കായി പുറത്തിറക്കിയ സഞ്ചാര ഗൈഡിൽ മുന്നറിയിപ്പ്​ നൽകുന്നു. 

മറ്റ്​ രാജ്യങ്ങൾ സന്ദർശിക്കുന്നവർക്കുള്ള മുന്നറിയിപ്പ്​ ഗൈഡാണ്​ യു.എസ്​ പുറത്തിറക്കിയത്​. ഇന്ത്യ അടക്കമുള്ള രാജ്യങ്ങളിലേക്കുള്ള യാത്രയെ നാലു തരത്തിലാണ്​ ഗൈഡിൽ വിഭജിച്ചിരിക്കുന്നത്​. ലെവൽ ഒന്നിലുള്ള രാജ്യങ്ങളിൽ സഞ്ചരിക്കുന്നവർ സാധാരണ യാത്രക്കുള്ള മുൻകരുതലുകൾ സ്വീകരിക്കണം. ലെവൽ രണ്ടിലുള്ള രാജ്യങ്ങളിലെ യത്രയിൽ അതി ജാഗ്രത സൂക്ഷിക്കണം. മൂന്നാം ലെവലിൽ ഉൾപ്പെട്ട രാജ്യങ്ങളിലേക്ക്​ യാത്രവേണോ എന്നത്​ പുനർ വിചിന്തനം നടത്തണം. നാലാം ലെവലിൽ ഉൾപ്പെടുത്തിയ രാജ്യങ്ങളിലേക്ക്​ യാത്ര ചെയ്യരുത്​ എന്നുമാണ്​ യു.എസ്​ ഗൈഡിൽ നൽകിയ ഉപദേശം. ​

യാത്ര ചെയ്യു​േമ്പാൾ അതി ജാഗ്രത സൂക്ഷിക്കേണ്ട രണ്ടാം ലെവൽ രാജ്യങ്ങളിലാണ്​ ഇന്ത്യ ഉൾപ്പെടുന്നത്​. യാത്ര ആവശ്യമുണ്ടോ എന്ന്​ വീണ്ടും വിചാരം ​നടത്തേണ്ട മൂന്നാം ലെവലിലാണ്​ പാകിസ്​താൻ. യാത്ര ഒഴിവാക്കേണ്ട രാജ്യങ്ങളുടെ പട്ടികയിലാണ്​ അഫ്​ഗാനിസ്​താനെ ഉൾക്കൊള്ളിച്ചിരിക്കുന്നത്​. അമേരിക്കൻ പൗരൻമാരുടെ സുരക്ഷക്കായാണ്​ ഇത്തരത്തിൽ ഗൈഡ്​ ഇറക്കുന്നതെന്ന്​ അധികൃതർ അറിയിച്ചു. 

അ​ക്രമങ്ങളും  തീവ്രവാദ പ്രവർത്തനങ്ങളും നടക്കുന്ന രാജ്യങ്ങളാണ്​ രണ്ടാം ലെവലിലുള്ളത്​. ഇന്ത്യയിൽ ബലാത്​സംഗക്കുറ്റങ്ങൾ വർധിച്ചു വരികയാണ്​. വിനോദ സഞ്ചാരികൾക്കെതിരെയുള്ള ലൈംഗികാതിക്രമവും കൂടുന്നതായാണ്​ റിപ്പോർട്ട്​. മധ്യ- കിഴക്കൻ ഇന്ത്യയിൽ പ്രത്യേകിച്ച്​ ഗ്രാമ പ്രദേശങ്ങളിൽ തീവ്രവാദികളും സായുധ സംഘങ്ങളും സജീവമാണെന്നും ഗൈഡിൽ പരാമർശിക്കുന്നുണ്ട്​.