യു.എസിൽ ആദ്യമായി കോവിഡ്​ സ്​ഥിരീകരിച്ച നായ്​ ചത്തു

വാഷിങ്​ടൺ: യു.എസിൽ ആദ്യമായി കോറോണ ​ൈവറസ്​ ബാധ സ്​ഥിരീകരിച്ച നായ്​ ചത്തു​. മനുഷ്യരിലുണ്ടാകുന്ന അതേ കോവിഡ്​​ ലക്ഷണങ്ങൾ നായയിൽ കണ്ടതിനെ തുടർന്ന്​ പരിശോധനക്ക്​ വിധേയമാക്കുകയായിരുന്നു. പിന്നീട്​​ കോവിഡ്​ സ്​ഥിരീകരിച്ചു.

രോഗം മൂർച്ഛിച്ചതിന തുടർന്ന്​ നായ്​ ചത്തതായി​​ നാഷനൽ ജിയോഗ്രാഫിക്​ മാഗസിൻ റിപ്പോർട്ട്​ ചെയ്​തു. ബഡ്ഡി എന്ന ഏഴുവയസായ ജർമൻ ഷെപ്പേർഡ്​ നായ്​ക്ക്​ കഴിഞ്ഞ ഏപ്രിലിലാണ്​ രോഗം സ്​ഥിരീകരിക്കുന്നത്​. നായുടെ ഉടമ റോബർട്ട്​ മഹോനി കോവിഡ്​ 19ൽ നിന്ന്​ മുക്തി നേടിയിരുന്നു.

കഴിഞ്ഞ ആഴ്​ചകളിലായി ബഡ്ഡി​ക്ക്​ കടുത്ത ശ്വാസതടസ്സം അനുഭവപ്പെട്ടിരുന്നു. ഇതേ തുടർന്ന്​ ആരോഗ്യ നില വഷളാകുകയായിരുന്നു. ജൂലൈ 11ന്​ നായ്​ രക്തം ഛർദ്ദിച്ചതായും പറയുന്നു. ​നടക്കാൻ ​​പോലും കഴിയാത്ത അവസ്ഥയിലായിരുന്നു.

മഹോനിയും ഭാര്യ എലിസണും ന്യൂ​യോർക്കിലാണ്​ താമസം. കോവിഡ്​ 19 തന്നെയാണോ നായ്​ക്ക്​ ബാധിച്ചതെന്ന്​ സ്​ഥിരീകരിക്കാൻ ബുദ്ധിമുട്ടിയിരുന്നതായി മഹോനി പറയുന്നു. മനുഷ്യരിൽനിന്ന്​ കോവിഡ്​ മൃഗങ്ങളിലേക്ക്​ പകരുമോ എന്നത്​ ആങ്ക ഉയർത്തിയിരുന്നു. മനുഷ്യരിൽനിന്ന്​ മൃഗങ്ങളിലേക്ക്​ ​കോവിഡ്​ പകരുമന്ന്​ ലോകാരോഗ്യ സംഘടന ഇതുവര സ്​ഥിരീകരിച്ചിട്ടില്ല.