ലൈംഗികാധിക്ഷേപത്തിൽ മാപ്പു പറഞ്ഞ്​ ജോർജ്​ ബുഷ്​ സീനിയർ

വാഷിങ്​ടൺ: യുവനടിക്കെതിരെ ലൈംഗികാധിക്ഷേപം നടത്തിയ യു.എസ് മുൻ പ്രസിഡൻറ്​ ജോർജ് എച്ച്.ഡബ്ള്യു. ബുഷ്​ സംഭവത്തിൽ ക്ഷമാപണം നടത്തി. യുവ നടി ഹീതെർ ലിൻഡാണ് (34) തൊണ്ണൂറ്റിമൂന്നുകാരനായ ബുഷ് സീനിയറിനെതിരെ ലൈംഗികാരോപണം ഉന്നയിച്ചത്​.  
നാലു വർഷങ്ങൾക്കു മുമ്പ്​ ടെലിവിഷൻ സീരീസി​​െൻറ പ്രചരണപരിപാടിയിൽ പ​െങ്കടുക്കുന്നതിനിടെ​ ബുഷ്​ സീനിയറിൽ നിന്ന്​ മോശം പെരുമാറ്റം ഉണ്ടായതെന്ന്​ നടി ഇൻസ്​റ്റഗ്രാമിലൂടെ വെളിപ്പെടുത്തുകയായിരുന്നു​. നടി പിന്നീട്​ ​ഇൻസ്​റ്റഗ്രാം പോസ്​റ്റ്​ പിൻവലിച്ചു. സംഭവം നടക്കു​േമ്പാഴും ബുഷ് സീനിയർ വീൽചെയറിലായിരുന്നു. 

ബുഷ്​ സീനിയർ പ്രളയത്തിലും കൊടുങ്കാറ്റിലും വീടും സമ്പത്തും നഷ്ട്ടപ്പെട്ടവർക്കുവേണ്ടി ധനസമാഹരണം നടത്തുകയും പരിപാടിക്ക്​ വേണ്ടി അവശതകൾ മറന്ന്​ പൊതുവേദിയിൽ എത്തുകയും ചെയ്​തിരുന്നു. അതിനിടെയാണ്​​ നടി ​തനിക്കുണ്ടായ അനുഭവം​ സോഷ്യൽ മീഡയയിൽ പങ്കുവെച്ചത്​.  മുൻ പ്രസിഡൻറ്​ എന്ന നിലയിലും അദ്ദേഹത്തി​​െൻറ പ്രവർത്തനങ്ങളിലും ബഹുമാനമുണ്ട്​. എന്നാൽ ബുഷിൽ നിന്ന്​ അലോസരപ്പെടുത്തുന്ന അനുഭവം തനിക്കുണ്ടായെന്നും നടി വെളിപ്പെടുത്തി.
താൻ അഭിനയിച്ച പ്രശസ്​ത ടെലിവിഷൻ ഷോയുടെ പ്രചരണ ചടങ്ങിലാണ്​ ​മുൻ പ്രസിഡൻറായിരുന്ന ബുഷ്​ സീനിയറെ കണ്ടത്​. അദ്ദേഹം തനിക്ക്​ ഹസ്​തദാനം ചെയ്​തില്ല. ഒരുമിച്ചു ഫോട്ടോയെടുക്കുമ്പോൾ രണ്ടുവട്ടം ബുഷ് തന്നെ പിന്നിൽ തൊട്ടു. മൂന്നാം വട്ടവും ആവർത്തിക്കാൻ തുടങ്ങിയപ്പോൾ വീൽചെയറിന് അടുത്തുണ്ടായിരുന്ന ഭാര്യ ബാർബറ തടയുകയാണുണ്ടായത്​. പിന്നീട്​ മോശം ഭാഷയിൽ തമാശ പറയുകയാണ്​ ബുഷ് ചെയ്​തതെന്നും നടി ആരോപിക്കുന്നു. 

ഹീതെർ ലിൻഡി​​െൻറ വെളിപ്പെടുത്തലിനെ തുടർന്ന്​ ബുഷ്​ സീനിയറി​​െൻറ വക്താവ്​ ക്ഷമാപണം നടത്തി. ഒരു സാഹചര്യത്തിലും ബുഷ് ഇത്തരത്തിൽ പെരുമാറില്ലെന്നും ബുഷി​​െൻറ തമാശ ലിൻഡക്ക്​ അനിഷ്ടമുണ്ടാക്കിയെങ്കിൽ നിർവ്യാജം മാപ്പുചോദിക്കുന്നുവെന്നും വക്താവ് അറിയിച്ചു. വീൽചെയറിലിരുന്ന്​ ഫോ​േട്ടാക്ക്​ പോസ്​ ചെയ്യു​േമ്പാൾ കൈ നടിയുടെ പിറകിൽ തട്ടിയിരിക്കാം. എന്നാൽ നിഷ്​കളങ്കമായ  പെരുമാറ്റത്തിൽ അനിഷ്​ടമുണ്ടായതിൽ അദ്ദേഹം ആത്​മാർഥമായി ക്ഷമാപണം നടത്തുകയാണെന്നും വക്താവ്​ പറഞ്ഞു.