യു.എസ്​. മെക്​സിക്കോ അതിർത്തി മതിൽ പണിയുമെന്ന്​ ആവർത്തിച്ച്​ ട്രംപ്​

വാഷിങ്​ടൺ: യു.എസ്​- മെക്​സിക്കോ അതിർത്തിയിൽ മതിൽ പണിയുമെന്ന്​ പ്രസിഡൻറ്​ ഡൊണാൾഡ്​ ട്രംപ്​. രാജ്യത്തെ അഭിസം ബോധന ചെയ്​ത്​ ട്രംപ്​ നടത്തിയ വാർഷിക പ്രസംഗത്തിലാണ്​ മതിൽ പണിയുമെന്ന്​ ആവർത്തിച്ചത്​.

ജനപ്രതിനിധി സഭയി ലെ പല സാമാജികരും നേരത്തെ അതിർത്തി മതിലിനെ പിന്തുണച്ചിരുന്നു. അന്ന്​ അത്​ നടന്നില്ല. ഇപ്പോൾ താൻ അത്​ പൂർത്തിയാക്കിത്തരാം -ട്രംപ്​ പറഞ്ഞു. മതിലിനു ഫണ്ട്​ ക​െണ്ടത്തുന്ന കാര്യത്തിൽ ഫെബ്രുവരി 15ന്​ മുമ്പാകെ ഡെമോക്രാറ്റുകളും റിപ്പബ്ലിക്കൻസും രമ്യതയിലെത്തണം. രാജ്യത്തെ ഒരു പൗര​​​െൻറ ജീവൻകൂടി അനധികൃത കുടിയേറ്റക്കാർ മൂലം ഇല്ലാതാകരുത്​. അതിന്​ മതിൽ ആവശ്യമാണെന്നും ട്രംപ്​ കൂട്ടിച്ചേർത്തു.

അതിർത്തി മതിൽ പണിയുന്നത്​ അനധികൃത കുടിയേറ്റവും മയക്കുമരുന്ന്​ കള്ളക്കടത്തും തടയുന്നതിന്​ അത്യാന്താപേക്ഷിതമാണെന്നാണ്​ ട്രംപി​​​െൻറ വാദം. രാജ്യം നേടിരുന്ന ഗുരുതര പ്രതിസന്ധിയാണ്​ അനധികൃത കുടിയേറ്റമെന്ന്​ ​ട്രംപ്​ പ്രസംഗത്തിൽ വിശേഷിപ്പിച്ചു.

മെക്​സിക്കൻ മതിലി​​​െൻറ പേരിലാണ്​ രാജ്യം ദിവസങ്ങൾ നീണ്ട ഭരണസ്​തംഭനത്തിലായത്​. മതിലിന്​ ഫണ്ട്​ അനുവദിക്കണമെന്ന ആവശ്യം അവസാനിപ്പിച്ച ശേഷമാണ്​ അമേരിക്കയിലെ ഭരണസ്​തംഭനം നീങ്ങിയത്​. പുതുവർഷത്തിൽ പ്രസിഡൻറ്​ രാജ്യത്തെ അഭിസംബോധന ചെയ്യുന്നത്​ ഭരണസ്​തംഭനം നീങ്ങിയ ശേഷം മതിയെന്നായിരുന്നു ജനപ്രതിനിധി സഭ തീരുമാനിച്ചിരുന്നത്​. അങ്ങനെ മതിലെന്ന ആവശ്യം ഉപേക്ഷിച്ച്​ ബജറ്റ്​ അംഗീകരിച്ച്​ ഭരണസ്​തംഭനം ഒഴിവാക്കിയ ശേഷമാണ്​​ ട്രംപി​​​െൻറ പ്രസംഗം നടന്നത്​. ഇൗ പ്രസംഗത്തിലും മതിൽ വേണമെന്നാണ്​ ​ട്രംപ്​ ആവർത്തിക്കുന്നത്​.