15ാം വയസ്സിൽ ബിരുദം; മലയാളി വിദ്യാർഥി ഗവേഷണത്തിന്​

വാഷിങ്​ടൺ: 15ാം വയസ്സിൽ കാലിഫോർണിയ സർവകലാശാലയിൽനിന്ന്​ ഉയർന്ന മാർക്കോടെ ബയോമെഡിക്കൽ എൻജിനീയറിങ്ങിൽ ബിരുദം സ്വന്തമാക്കിയ മലയാളി ബാലൻ ഗവേഷകനാകാൻ തയാറെടുക്കുന്നു.

മലയാളികളായ ബിജു അബ്രഹാം-താജി ദമ്പതികളുടെ മകനായ തനിഷ്​ക്​ അബ്രഹാമാണ്​ വിദ്യാഭ്യാസ ജീവിതത്തിലെ മറ്റൊരു നാഴികക്കല്ലൂകൂടി പിന്നിട്ട്​ ഗവേഷണത്തിനായി ​സർവകലാശാലയിലെ മെഡിക്കൽ സ്​കൂളിൽ എം.ഡി ചെയ്യാനായി പ്രവേശനം നേടിയത്​. നേരത്തേതന്നെ പൊള്ളലേറ്റ രോഗികളെ സ്​പർശിക്കാതെ അവരുടെ ഹൃദയമിടിപ്പ്​ അളക്കാനുള്ള ഉപകരണം രൂപകൽപന ചെയ്​ത്​ തനിഷ്​ക്​ ശ്രദ്ധേയനായിരുന്നു.

അർബുദ ചികിത്സ രംഗത്ത്​ പുതിയ കണ്ടുപിടിത്തങ്ങളിലൂടെ നൂതന മാറ്റങ്ങൾ കൊണ്ടുവരുകയാണ്​ ലക്ഷ്യമെന്ന്​ തനിഷ്​ക്​ വ്യക്തമാക്കി. തനിഷ്​ മറ്റൊരു മോഹം കൂടി മനസിൽ സൂക്ഷിക്കുന്നുണ്ട്​. മറ്റൊന്നുമല്ല, യു.എസ്​ പ്രസിഡൻറ്​ പദവി.