ഇന്ത്യൻവംശജൻ അമേരിക്കയിൽ വെടി​േയറ്റു മരിച്ചു

ന്യൂയോർക്ക്​: ഇന്ത്യൻ വംശജനായ ബിസിനസുകാരൻ അമേരിക്കയിൽ വെടിയേറ്റു മരിച്ചു. ഇന്ത്യക്കാരനായ ഹാർനിഷ്​ പ​േട്ടലാണ്​ വ്യാഴാഴ്​ച രാത്രി 11.24 ഒാടെ സൗത്​ കരോലിനയിലെ ലാൻസസ്​റ്ററിലെ വീടിനു പുറത്ത്​ വെടിയേറ്റ്​ മരിച്ചത്​. വെടിയൊച്ചയും കരച്ചിലും കേ​ട്ട അയൽവാസി പൊലീസിനെ വിവരമറിയിച്ചതിനെ തുടർന്ന്​ പൊലീസ്​ സ്​ഥലത്തെത്തുകയായിരുന്നു.

പരോപകാരിയായിരുന്നു ഹാർനിഷെന്നും കൊലപാതകത്തിനുകാരണം അറിയില്ലെന്നും സുഹൃത്തുക്കൾ പറയുന്നു. വംശീയാക്രമണത്തിനിരയായി ഇന്ത്യൻ എഞ്ചിനീയർ ശ്രീനിവാസ്​ കൊല്ല​െ​പ്പട്ട്​ ദിവസങ്ങൾക്കുള്ളിലാണ്​ പുതിയ സംഭവം. ശ്രീനിവാസി​​െൻറ കൊലപാതകത്തിൽ അമേരിക്കൻഭരണകൂടം ഖേദം പ്രകടിപ്പിച്ചതിന്​ തൊട്ടടുത്ത ദിവസം തന്നെയാണ്​ ഹാർനിഷ്​ വെടിയേറ്റ്​​ മരിച്ചത്​. എന്നാൽ വംശീയ വെറിയല്ല കൊലപാതകത്തിനു കാരണമെന്നാണ്​ പൊലീസി​​െൻറ പ്രാഥമിക നിഗമനം.

ഹാർനിഷ്​ പ​േട്ടലി​​െൻറ സ്​പീഡ്​ മാർട്ട്​എന്ന കടക്കുമുന്നിൽ ജനങ്ങൾ ആദാരാജ്​ലികൾ അർപ്പിച്ചുകൊണ്ട്​ പൂക്കളും ബലൂണുകളും അലങ്കരിച്ചിട്ടുണ്ട്​. ‘കുടുംബത്തിൽ ചില അടിയന്തിര സാഹചര്യങ്ങൾ നേരിട്ടതിനാൽ കുറച്ചു ദിവസത്തേക്ക്​ കട അടച്ചിടുന്നതായിരിക്കും. ജനങ്ങൾക്ക്​ നേരിട്ട ബുദ്ധിമുട്ടിൽ ക്ഷമ ചോദിക്കുന്നു’ എന്നൊരു കുറിപ്പും കടയുടെ പേരിൽ വാതിലിൽ പതിച്ചിട്ടുണ്ട്​.