ഇന്ത്യക്കാരുൾപ്പെടെ അമേരിക്കയിൽ അനധികൃതമായി കുടിയേറിയ  100 പേർ പിടിയിൽ

വാഷിങ്​ടൺ: യു.എസ്​ അതിർത്തിയിൽ അനധികൃതമായി കുടിയേറിയ ഇന്ത്യക്കാരുൾപ്പെടെ 100 ഒാളം പേരെ എമി​ഗ്രേഷൻ ഉദ്യോഗസ്ഥർ പിടികൂടി. അതിർത്തി പ്രദേശങ്ങളിൽ അമേരിക്കൻ കുടിയേറ്റ നിയമം ലംഘിച്ച്​ താമസിക്കുന്നവരെയാണ്​ ഫെഡറൽ ഒാഫീസർമാർ അറസ്​റ്റു ചെയ്​തത്​. ഹൂസ്​റ്റൺ ഏരിയയിൽ നിന്ന്​ 45 വിദേശികളാണ്​ പിടിയിലായത്​. 

കഴിഞ്ഞ അഞ്ചുദിവസമായി അതിർത്തി പ്രദേശങ്ങളിൽ യു.എസ്​ എമിഗ്രേഷ​ൻ കസ്​റ്റംസ് ​എൻഫോഴ്​സ്​മ​​െൻറ്​ ഉദ്യോഗസ്ഥർ പരിശോധന നടത്തി വരികയാണ്​. അറസ്​റ്റിലായവരിൽ എത്ര ഇന്ത്യൻ പൗരൻമാരുണ്ടെന്ന്​ യു.എസ്​ എമിഗ്രേഷൻ  വ്യക്തമാക്കിയിട്ടില്ല.

ഹോണ്ടുറാസ്​, എൽ സാൽവഡോർ, മെക്​സി​േകാ, ഗ്വട്ടിമാല, അർജൻറീന, ക്യൂബ, നൈജീരിയ, ചിലി, തുർക്കി, ഇന്ത്യ തുടങ്ങിയ രാജ്യങ്ങളിൽ നിന്നുള്ളവരാണ്​ അറസ്​റ്റിലായിരിക്കുന്നതെന്ന്​ പ്രസ്​താവനയിൽ അറിയിച്ചിട്ടുണ്ട്​. 

അനധികൃതമായി കുടിയേറിയവരും നാടുകടത്തപ്പെട്ടശേഷം നിയമം ലംഘിച്ച്​ വീണ്ടും കുടിയേറിയവരെയുമാണ്​ അറസ്​റ്റു ചെയ്യപ്പെട്ടിരിക്കുന്നത്​.