കോവിഡിനെ തുരത്താൻ അണുനാശിനി കുത്തിവെക്കണമെന്ന്​ ട്രംപ്​;​ ഞെട്ടി ശാസ്​ത്രലോകം

വാഷിങ്ടൻ: കോവിഡ് രോഗിയുടെ ശരീരത്തിലേക്ക് ശക്തിയേറിയ അൾട്രാവയലറ്റ്​ രശ്​മികൾ കടത്തിവിട്ടും അണുനാശിനി കുത്ത ിവെച്ചും വൈറസിനെ തുരത്താൻ കഴിയുമോയെന്ന്​ പരിശോധിക്കണമെന്ന് യു.എസ് പ്രസിഡൻറ്​ ഡോണൾഡ് ട്രംപ്. വ്യാഴാഴ്​ച വൈകി ട്ട്​ വൈറ്റ്​ ഹൗസിൽ നടന്ന വാർത്താസമ്മേളനത്തി​ലാണ്​ ഇത്തരം സാധ്യതകൾ പരീക്ഷിച്ചൂടേയെന്ന്​ ട്രംപ്​ ചോദിച്ചത് ​.

കോവിഡ്​ വൈറസ്​ ഉയർന്ന സൂര്യാതാപത്തിൽ മനുഷ്യ ശരീരത്തിൽ അതിജീവിക്കില്ലെന്ന്​ ചിലർ അഭിപ്രായപ്പെടുന്നു ണ്ട്​. അങ്ങനെയെങ്കിൽ ശക്തിയേറിയ അൾട്രാ വയലറ്റ് രശ്മികൾ ശരീരത്തിലേക്ക് കടത്തി വൈറസിനെ പ്രതിരോധിക്കാമെന്ന്​ ട്രംപ് അഭിപ്രായപ്പെട്ടു. ഐസോപ്രോപിൽ ആൽക്കഹോളിന്​ നിമിഷങ്ങൾക്കുള്ളിൽ കോവിഡ്​ വൈറസിനെ ഇല്ലാതാക്കാനക​ും. എന്നാൽ അതും ചികിത്സക്കായി ഉപയോഗിച്ചുടേയെന്നാണ്​ ട്രംപ്​ പറഞ്ഞത്​. സാമാന്യ യുക്തിക്ക് പോലും നിരക്കാത്ത ട്രംപി​​​െൻറ നിരീക്ഷണങ്ങൾക്കെതിരെ നിശിതമായ വിമർശനമാണ് ആരോഗ്യ വിദഗ്ധരുടെ ഭാഗത്തു നിന്നും ഉയരുന്നത്.

സൂര്യപ്രകാശവും ചൂടും കാരണം കോവിഡ്​ വൈറസിൻെറ ശക്തി വേഗത്തിൽ ക്ഷയിക്കുമെന്ന് യു.എസ് സർക്കാർ റിപ്പോർട്ടിൽ പരാമർശമുണ്ടായിരുന്നു. അണുനാശിനി ഉമിനീരിലെയും ശ്വാസകോശ ദ്രവങ്ങളിലെയും വൈറസിനെ അഞ്ച് മിനിറ്റിൽ ഇല്ലാതാക്കും. ഐസോപ്രോപിൽ ആൽക്കഹോളിനു വൈറസിനെ അതിവേഗം നശിപ്പിക്കാൻ സാധിക്കുമെന്നും വൈറസ്​ ടാസ്​ക്​ ഫോഴ്​സ്​ നടത്തിയ പഠനത്തില്‍ സൂചിപ്പിച്ചിരുന്നു.

വേനൽകാലത്ത് വൈറസി​​​െൻറ വ്യാപനം തടയുന്നത് എളുപ്പമാകുമെന്നാണ് കരുതുന്നതായി യു.എസ് ഹോം ലാൻഡ് സെക്യൂരിറ്റി സയൻസ് ആൻഡ് ടെക്നോളജി ഡയറക്ടറേറ്റ് തലവൻ വില്യം ബ്രയാനാണ് ​െവെറ്റ്​ ഹൗസിൽ നടത്തിയ വാർത്താസമ്മേളനത്തിൽ പറഞ്ഞത്. തുടർന്ന്​ നടത്തിയ ബ്രീഫിങ്ങിലാണ്​ അണുനാശിനിയും യു.വി രശ്​മികളും ഉപയോഗപ്പെടുത്തുന്നതി​​​െൻറ സാധ്യതയെ കുറിച്ച്​ ട്രംപ്​ സംസാരിച്ചത്​.

തൊലിയിലൂടെയോ മറ്റേതെങ്കിലും രീതിയിലൂടെയോ യു.വി രശ്​മികളോ ശക്തിയേറിയ പ്രകാശകിരണങ്ങളോ കടത്തിവിട്ട്​ പരീക്ഷിക്കാമെന്നാണ്​ ട്രംപ്​ ആവശ്യപ്പെട്ടത്​. അതുപോലെ അണുനാശിനികളിലൂടെ മിനിറ്റ് കൊണ്ട് വൈറസ് ഇല്ലാതാകും. എന്നാൽ ശരീരത്തിനകത്തേക്ക്​ കുത്തിവെച്ച് പൂർണമായ ശുദ്ധീകരണം നടത്താവുന്ന തരത്തിൽ എന്തെങ്കിലും മാർഗങ്ങളുണ്ടോയെന്ന് നോക്കണം. ഈ വിഷയങ്ങളിൽ കൂടുതൽ ഗവേഷണങ്ങൾ ആവശ്യമാണെന്നും അ​ദ്ദേഹം പറഞ്ഞ​ു. കൊറോണ വൈറസിനെതിരെ ചൂടും പ്രകാശവും ഉപയോഗിക്കുന്നതിനെക്കുറിച്ചു പരിശോധിക്കുന്നത്​ നല്ലതാകുമെന്നും യു.എസ് പ്രസിഡൻറ്​ വ്യക്തമാക്കി.

ട്രംപി​​​െൻറ ആശയങ്ങൾ ശാസ്​ത്രലോകത്തെ ഞെട്ടിച്ചിരിക്കുകയാണ്​. ​പ്രസിഡൻറി​​​െൻറ നിർദേശ പ്രകാരമുള്ള ചികിത്സകളിലേക്ക്​ കടക്കരുതെന്ന്​ ഡോക്​ടർമാർ മുന്നറിയിപ്പ്​ നൽകി. ശുചീകരണത്തിനുള്ള വസ്തുക്കൾ ശരീരത്തിലേക്കു കടത്തുന്നത് അപകടകരമാണെന്ന്​ ഡോക്ടർ വിൻ ഗുപ്ത ഒരു മാധ്യമത്തോടു പ്രതികരിച്ചു.

ഒരു ഡോക്ടർ എന്ന നിലയിൽ ശ്വാസകോശത്തിലേക്ക് അണുനാശിനി കുത്തിവെയ്ക്കുന്നതിനോ, ശരീരത്തിലേക്ക് അൾട്രാ വയലറ്റ് രശ്മികൾ കടത്തിവിടാനോ നിർദേശിക്കാൻ സാധിക്കില്ലെന്ന് വെസ്റ്റ് വെർജീനിയയിൽ ഡോക്ടറായ കാഷിഫ് മഹ്മൂദ് വ്യക്തമാക്കി. മലേറിയക്കുള്ള ഹൈഡ്രോക്​സി ക്ലോറോക്വിൻ കോവിഡിനെ പ്രതിരോധിക്കുമെന്ന്​ ട്രംപ്​ നേരത്തെ പറഞ്ഞിരുന്നു. തുടർന്ന്​ നിരവധി പേർ വൈറസ്​ ബാധ ഉണ്ടാകാതിരിക്കാൻ ഹൈഡ്രോക്​സി ക്ലോറോക്വിൻ വാങ്ങി കഴിച്ചത്​ വാർത്തയായിരുന്നു.