ആണവ നിരായുധീകരണം: ഉത്തര കൊറിയയെ​ അന്താരാഷ്​ട്ര സമൂഹം പിന്തുണക്കണം - ദക്ഷിണ കൊറിയ

ന്യൂയോർക്ക്​: ഉത്തരകൊറിയയുടെ ആണവ നിരായുധീകരണത്തിന്​ അന്താരാഷ്​ട്ര സമൂഹത്തി​​​​െൻറ പിന്തുണ തേടി ദക്ഷിണകൊറിയൻ വിദേശകാര്യ മന്ത്രി കാങ്​ യുങ്​വ. 73ാമത്​ യു.എൻ പൊതുസഭയുടെ യോഗത്തിനിടെ നടന്ന സുരക്ഷാസമിതിയിലെ വിദേശകാര്യ മന്ത്രിമാരു​െട യോഗത്തിലാണ്​ കാങ്​ യുങ്​വയുടെ ആവശ്യം.

ഉത്തരകൊറിയയുടെ ആണവ നിരായുധീകരണ പ്രവർത്തനങ്ങളുടെ പുരോഗതിയ​ും കാങ്​ ചർച്ച ചെയ്​തു. യു.എസ്​ സ്​റ്റേറ്റ്​ സെക്രട്ടറി മൈക്ക്​ പോംപിയോയുടെ അധ്യക്ഷതയിലാണ്​ യോഗം ചേർന്നത്​.

ഉത്തരകൊറിയയുടെ ഭാഗത്തു നിന്നുണ്ടായ അനുകൂല പ്രതികരണത്തി​​​​െൻറ പശ്​ചാത്തലത്തിൽ രാജ്യത്തിനു മേൽ ഏർപ്പെടുത്തിയ ഉപരോധത്തിൽ അയവുവരുത്തണമെന്ന്​ ചൈനയും റഷ്യയും വാദിച്ചു. എന്നാൽ ആണവ നിരായുധീകരണം പൂർണമായും നടപ്പിലാക്കിയ ശേഷം മാത്രം ഉപരോധം പിൻവലിച്ചാൽ മതിയെന്ന നിലപാടിലാണ്​ അമേരിക്ക.

ജൂണിൽ യു.എസ്​ പ്രസിഡൻറ്​ ഡൊണാൾഡ്​ ട്രംപും ഉത്തരകൊറിയൻ മേധാവി കിം ജോങ്​ ഉന്നും സിംഗപൂരിൽ കൂടിക്കാഴ്​ച നടത്തിയിരുന്നു. ഇൗ കൂടിക്കാഴ്​ചയിൽ പൂർണ ആണവ നിരായുധീകരണത്തിന്​ തയാറാണെന്ന്​ കിമ്മും ഉത്തരകൊറിയയു​െട​ സുരക്ഷ ഉറപ്പാക്കുമെന്ന്​ ട്രംപും കരാറിലെത്തിയിരുന്നു.