കാൽനട യാത്രക്കാർക്ക്​ ഇടയിലേക്ക്​ വാൻ ഇടിച്ചു കയറ്റി; 10​ മരണം

ടൊറ​േൻറാ: കാനഡയിലെ ടോറന്‍റോയില്‍ കാല്‍നടയാത്രക്കാര്‍ക്ക് ഇടയിലേക്ക് വാനിടിച്ച് കയറ്റി. ആക്രമണത്തിൽ 10 പേ​ർ കൊല്ലപ്പെട്ടു. 16 പേര്‍ക്ക് പരിക്കേറ്റു. വാനി​​​​​െൻറ ഡ്രൈവറായ 25കാരൻ അലേക്​ മിനസ്സിയാനെ  പൊലീസ് അറസ്​റ്​ ചെയ്​തു.

ടോറന്‍റോയില്‍ തിരക്കുള്ള സമയത്തായിരുന്നു ആക്രമണം. എന്നാല്‍ ആക്രമണമാണെന്നോ കാരണമെന്തെന്നോ അധികൃതർ സ്ഥിരീകരിച്ചിട്ടില്ല.

അമിത വേഗതയില്‍ വന്ന വാഹനം മനഃപൂര്‍വം ഇടിക്കുകയായിരുന്നുവെന്നാണ് ദൃക്സാക്ഷികള്‍ പറയുന്നത്. മുന്നിലുണ്ടായിരുന്ന എല്ലാവരെയും ഇടിച്ചിട്ടു. ഉച്ച ഭക്ഷണ സമയമായതിനാല്‍ റോഡില്‍ തിരക്കുണ്ടായിരുന്നു. പരിക്കേറ്റവരില്‍ അഞ്ച് പേരുടെ നില ഗുരുതരമാണ്.