മെക്​സിക്കൻ കാത്തലിക്​ ചർച്ചിന്​ കീഴിൽ 175 കുട്ടികൾ പീഡനത്തിനിരയായതി റിപ്പോർട്ട്​

മെക്​സിക്കോ സിറ്റി: 175 കുട്ടികൾ മെക്​സിക്കോയിലെ റോമൻ കാത്തലിക്​ ചർച്ചിന്​ കീഴിലുള്ള പുരോഹിതരുടെ പീഡനത്തിനിരയായതായി റിപ്പോർട്ട്​. മെക്​സിക്കോയിലെ ലീജിയ നാരീസ്​ ഓഫ്​ ക്രൈസ്​റ്റ്​ സ്​ഥാപകൻ മാർഷ്യൽ മാസീൽ 60 കുട്ടികളെ പീഡിപ്പിച്ചെന്ന്​ റിപ്പോർട്ട്​ പറയുന്നു. ഇയാൾക്കുപുറ​െമ പള്ളി വികാരിമാരും ശെമ്മാച്ചൻമാരുമുൾപ്പെടെ 33 പേരും പീഡനം നടത്തിയിട്ടുണ്ട്​.

1941 മുതൽ 2019 ഡിസംബർ 16 വരെയുള്ള കണക്കാണിത്​. പീഡനം സംബന്ധിച്ച ആഭ്യന്തര അന്വേഷണത്തിനായി ഈ വർഷം ജൂണിൽ നിയമിച്ച സമിതിയുടേതാണ്​ റിപ്പോർട്ട്​. 11 മുതൽ 16 വയസ്സുവരെയുള്ള ആൺകുട്ടികളാണ്​ പീഡനത്തിനിരയായത്​. കുറ്റക്കാരായ 33 പേരിൽ 18 പേർ ഇ​പ്പോഴും സഭക്കുകീഴിൽ പ്രവർത്തിക്കുന്നുണ്ട്​.

എന്നാൽ, ഇവരെ ​െപാതുജനങ്ങളുമായും കുട്ടികളുമായും ബന്ധപ്പെടുന്ന ജോലികളിൽനിന്ന്​ നീക്കിയിട്ടുണ്ട്​. പരാതിപ്പെടാത്ത മറ്റു കേസുകൾ ഉണ്ടായിരിക്കാമെന്ന്​ റിപ്പോർട്ട്​ ചൂണ്ടിക്കാട്ടുന്നു. 2008ൽ മരിച്ച മാസീലിനെ ലൈംഗിക പീഡനം സംബന്ധിച്ച പരാതികളെ തുടർന്ന്​ പോപ്​ ബെനഡിക്​ട്​ 16ാമൻ പൗരോഹിത്യ വൃത്തിയിൽനിന്ന്​ നീക്കിയിരുന്നു.