ജറൂസലം: ട്രംപി​െൻറ വീടിന്​ മുന്നിൽ നമസ്​കാരം നടത്തി പ്രതിഷേധം

വാഷിങ്​ടൺ: ഇസ്രായേൽ തലസ്ഥാനമായി ജറൂസലമിനെ അംഗീകരിച്ച അമേരിക്കൻ നടപടിക്കെതിരെ പ്രതിഷേധം ശക്​തമാവുന്നു. ​ഡോണൾഡ്​ ട്രംപി​​​​െൻറ വീടിന്​ മുന്നിലെ പാർക്കിൽ വെള്ളിയാഴ്​ച നമസ്​കാരം നടത്തിയാണ്​ അമേരിക്കയിലെ മുസ്​ലിംകൾ ​ട്രംപിനോടുള്ള പ്രതിഷേധം രേഖപ്പെടുത്തിയത്​. ഫലസ്​തീൻ പതാകകളും ബാനറുകളുമായാണ്​ ഇവർ പ്രതിഷേധത്തിന്​ എത്തിയത്​. ട്രംപി​​​​െൻറ നടപടി പ്രശ്​നങ്ങൾ പരിഹരിക്കുകയല്ല കൂടുതൽ രൂക്ഷമാക്കുകയാണ്​ ചെയ്യുന്നതെന്ന്​ പ്രക്ഷോഭകാരികൾ ആരോപിച്ചു.

ബുധനാഴ്​ചയാണ്​ അമേരിക്കൻ പ്രസിഡൻറ്​ ഡോണൾഡ്​ ട്രംപ്​ ഇസ്രായേൽ തലസ്ഥാനമായി ജറൂസലമിനെ അംഗീകരിച്ചത്​. ഇതിനെതിരെ വ്യാപക പ്രതിഷേധമാണ്​ ആഗോളതലത്തിൽ ഉയരുന്നത്​. പല ലോക രാജ്യങ്ങളും മാർപാപ്പ ഉൾപ്പടെയുള്ള ആത്​മീയ നേതാക്കളും ട്രംപി​​​​െൻറ നടപടിയെ അംഗീകരിച്ചിട്ടില്ല.