രാജ്യസുരക്ഷക്ക്​ ഭീഷണിയാകുന്ന കുടിയേറ്റം അനുവദിക്കില്ല- ട്രംപ്​

വാഷിങ്​ടൺ: രാജ്യസുരക്ഷക്ക്​ ഭീഷണിയാകുന്ന കുടിയേറ്റം അനുവദിക്കില്ലെന്ന് യു.എസ് പ്രസി‍ഡൻറ്​ ഡോണൾഡ് ട്രംപ്.  കാലഹരണപ്പെട്ട കുടിയേറ്റ നിയമം മാറ്റേണ്ടിയിരിക്കുന്നു. അമേരിക്കൻ താൽപര്യം സംരക്ഷിക്കുന്ന കുടിയേറ്റം മാത്രമേ അനുവദിക്കൂ.  21ാം നൂറ്റാണ്ടിന്​ അനുയോജ്യമായ മാറ്റങ്ങൾ  കുടിയേറ്റ നയത്തിൽ ഉൾപ്പെടുത്തുമെന്നും  അദ്ദേഹം പറഞ്ഞു. യു.എസ് കോൺഗ്രസിൽ സ്റ്റേറ്റ് ഓഫ് യൂനിയനെ അഭിസംബോധന ചെയ്​തു സംസാരിക്കുകയായിരുന്നു  അദ്ദേഹം.

കുടിയേറിയവർ ബന്ധുക്കളെ കൊണ്ടുവരുന്ന ചെയിൻ ഇമിഗ്രേഷൻ പദ്ധതി അനുവദിക്കില്ല. രണ്ടു തവണയാണ്​ കുടിയേറ്റക്കാർ ന്യൂയോർക്കിൽ ആക്രമണം നടത്തിയതെന്നും  ട്രംപ്​ ഒാർമിപ്പിച്ചു. കുടിയേറ്റക്കാരുടെ 18 ലക്ഷം കുട്ടികൾക്ക് പൗരത്വം നൽകുമെന്നും ട്രംപ് പറഞ്ഞു.

അമേരിക്കയിൽ ചരിത്രപരമായ നികുതി നിയമഭേദഗതിയും നികുതി ഇളവുകളുമാണ്​ പുതിയ നയത്തിലൂടെ ജനങ്ങൾക്കു വേണ്ടി പ്രഖ്യാപിച്ചത്​. പുതിയ നികുതി നയം അടുത്ത മാസത്തോടെ ​പ്രാബല്യത്തിൽ വരുമെന്നും ഇതുവരെ നികുതി അടച്ചിരുന്ന തുകയിൽ ഒരുഭാഗം പൗരമാർക്ക്​ ലാഭിക്കാമെന്നും ട്രംപ്​ പറഞ്ഞ​ു. 

തൊഴിലില്ലായ്​മ​ 45 വർഷത്തെ കുറഞ്ഞ നിരക്കിലാണ്​. ആഫ്രിക്കൻ^അമേരിക്കൻ തൊഴിലില്ലായ്​മയുടെ നിരക്കും കുറഞ്ഞു. ജയിലുകളെ നവീകരിക്കുമെന്നും കുറ്റകൃത്യങ്ങളിൽ ഉൾപ്പെട്ട്​ ജയിലിൽ കഴിയുന്നവർക്ക്​ പുതിയ ജീവിതം നൽകുന്നതിനായി പുനരധിവാസ പദ്ധതികൾ തുടങ്ങുമെന്നും ട്രംപ്​ പറഞ്ഞു. 

ഉത്തരകൊറിയയിൽ നിന്നുള്ള ആണവായുധ ഭീഷണി അമേരിക്ക നേരിടുന്നുണ്ട്​. വീണ്ടുവിചാരമില്ലാത്ത ​ഉത്തരകൊറിയയുടെ ആണവ മിസൈൽ രാജ്യത്തിനും സഖ്യകക്ഷികൾക്കും വെല്ലുവിളിയുർത്തുന്നു.  അത്ത​രമൊരു സംഭവം ഉണ്ടാകാതിരിക്കാൻ രാഷ്​ട്രം 
സമ്മർദം ചെലുത്തുന്നു​െണ്ടന്നും ആണവായുധത്തി​െനതിരെ പരാമവധി പ്രചരണം നടത്തുന്നുണ്ടെന്നും ട്രംപ്​ പറഞ്ഞു.