കോവിഡ്​ ബാധിച്ച തടുവുകാരി പ്രസവശേഷം മരിച്ചു; അമേരിക്കയിൽ പ്രതിഷേധം കനക്കുന്നു

ടെക്​സാസ്​​: കോവിഡ്​ ബാധിച്ച തടുവുകാരി പ്രസവശേഷം മരിച്ചത്​ അമേരിക്കയിൽ വൻ വിവാദമാകുന്നു. സൗത്ത് ഡക്കോട്ടയി ലെ ആൻഡ്രിയ സർക്കിൾ ബിയർ (30) ആണ്​ ചൊവ്വാഴ്ച ടെക്സാസിൽ മരിച്ചത്​. ഇവർ വ​െൻറിലേറ്ററിൽ കഴിയവേ മാർച്ച്​ 31നാണ്​ പ്രസവി ച്ചത്​.

മയക്കുമരുന്നുമായി ബന്ധപ്പെട്ട കേസിലാണ്​ ആൻഡ്രിയ തടവിലായത്​. പൂർണ ഗർഭിണിയായ ഇവരെ കോവിഡ്​ പ​ശ്​ചാ ത്തലത്തിലും വിട്ടയക്കാതിരുന്നതിനെതിരെ രൂക്ഷവിമർശനമാണ്​ ഉയരുന്നത്​. മരണം ദേശീയ അപമാനമാണെന്ന്​ നിയമസഹായ സംഘട നയായ എഫ്​.എ.എം.എം ആരോപിച്ചു.

ഗുരുതരാവസ്​ഥയിലുള്ള തടവുകാരെ അധികാരികൾ കൈകാര്യം ചെയ്യുന്നതിനെക്കുറിച്ച് അന്വേഷണം നടത്തണമെന്ന് എഫ്​.എ.എം.എം പ്രസിഡൻറ്​ കെവിൻ റിങ്​ ആവശ്യപ്പെട്ടു. മഹാമാരിക്കിടയിലും 30 വയസ്സുള്ള കോവിഡ് ബാധിതയായ ഗർഭിണിയെ ആശുപത്രിയിലേക്കോ വീട്ടിലേക്കോ മാറ്റാതിരുന്നത്​ ബുദ്ധിശൂന്യമായ നടപടിയാണെന്നും റിങ്​ കുറ്റപ്പെടുത്തി.

ജനുവരിയിലാണ്​ സർക്കിൾ ബിയർ അറസ്​റ്റിലായത്​. മാർച്ച് 28 ന് ഗർഭകാല അസ്വസ്​ഥതകളെ തുടർന്ന്​ ആശുപത്രിയിലേക്ക് കൊണ്ടുപോയെങ്കിലും അന്നുതന്നെ ഡിസ്ചാർജ് ചെയ്​തു. മൂന്ന് ദിവസത്തിന് ശേഷം പനി, വരണ്ട ചുമ തുടങ്ങിയ കോവിഡ്​ ലക്ഷണത്തെ തുടർന്ന്​ വീണ്ടും ആശുപത്രിയിലേക്ക് കൊണ്ടുപോയി. ഗുരുതരാവസ്​ഥയിലായതിനാൽ വ​​െൻറി​ലേറ്ററിൽ പ്രവേശിപ്പിച്ച സർക്കിളിന്​ സിസേറിയൻ നടത്തിയാണ്​ കുഞ്ഞ് ജനിച്ചതെന്ന് അധികൃതർ പറഞ്ഞു. ഏപ്രിൽ നാലിനാണ്​ ഇവർക്ക്​ കോവിഡ്​ പോസിറ്റീവ് റിസൽട്ട്​ ലഭിച്ചത്​. ഏപ്രിൽ 28ന്​ മരണം സ്​ഥിരീകരിച്ചു.

യു.എസിൽ 1,500ൽ അധികം തടവുകാരും 343 ജീവനക്കാരും രോഗബാധിതരാണെന്ന് ഫെഡറൽ ബ്യൂറോ ഓഫ് പ്രിസൺസ് (ബിഒപി) റിപ്പോർട്ട് ചെയ്​തിരുന്നു. കോവിഡ് -19 ബാധിച്ച്​ 30 തടവുകാരാണ്​ ഇതുവരെ മരിച്ചത്​. കസ്റ്റഡിയിൽ മരിക്കുന്ന ആദ്യ സ്ത്രീയാണ് സർക്കിൾ ബിയർ.

കോവിഡ്​ പശ്​ചാത്തലത്തിൽ ജയിലുകളിലെ തടവുകാരുടെ എണ്ണം പരിമിതപ്പെടുത്തണമെന്ന്​ വിവിധ കോണുകളിൽനിന്ന്​ ആവശ്യമുയർന്നു. അഭിഭാഷകരും രാഷ്ട്രീയക്കാരും മനുഷ്യാവകാശ സംഘടനകളും വിഷയത്തിൽ അന്വേഷണം ആവശ്യപ്പെട്ടിട്ടുണ്ട്​.