അമേരിക്കയിൽ അതിവേഗ ട്രെയിൻ പാളം തെറ്റി മൂന്നു മരണം

വാഷിങ്​ടൺ: അമേരിക്കയില്‍ അതിവേഗ ആംട്രാക്ക് ട്രെയിന്‍ പാളം തെറ്റി ഹൈവെയിലേക്ക് വീണ് മൂന്ന് മരണം. നൂറിലേറെ പേര്‍ക്ക് പരിക്കേറ്റു. വാഷിങ്​ടണിലെ അതിവേഗ പാതയുടെ ഉദ്ഘാടന യാത്രക്കിടെയാണ് അപകടം.  

വാഷിങ്​ടണിലെ ഡുപോണ്ടില്‍ തിരക്കേറിയ ഹൈവേക്ക് കുറുകേ സഞ്ചരിക്കവേയാണ് ട്രെയിന്‍ പാളം തെറ്റിയത്​. ട്രെയിനി​​െൻറ  14 ബോഗികളിൽ 13 എണ്ണവും താഴേക്ക് വീണു.  77 യാത്രക്കാരും ഏഴ്​ ജീവനക്കാരുമാണ് ട്രെയിനില്‍ ഉണ്ടായിരുന്നത്. രണ്ട്​ ട്രക്ക്​ ഉൾപ്പെടെ അഞ്ചു വാഹനങ്ങൾ അപകടത്തിൽ പെട്ടു.