കോവിഡിനെ ഭയപ്പെടേണ്ട; ധീരമായി നേരിടു -ബോൽസനാരോ

ബ്രസീലിയ: കോവിഡിനെ ആരും ഭയപ്പെടേണ്ട സാഹചര്യമില്ലെന്ന്​ ബ്രസീൽ പ്രസിഡൻറ്​ ജെയിർ ബോൾസ​നാരോ. ​എല്ലാവർക്കും കോവിഡിനെ നേരിടേണ്ടി വരും. ധീരതയോടെ അത്​ ചെയ്യുകയാണ്​ വേണ്ടതെന്നും ബ്രസീൽ പ്രസിഡൻറ്​ പറഞ്ഞു. കോവിഡിനെ തുടർന്ന്​ ക്വാറൻറീനിൽ പോയ ബ്രസീൽ പ്രസിഡൻറ്​ ഏതാനും ആഴ്​ചകൾക്ക്​ മുമ്പാണ്​ പൊതുവേദികളിൽ പ്രത്യക്ഷപ്പെട്ടത്​.

65 വയസായ തന്നെ ​ഏറ്റവും അപകട സാധ്യതയുള്ള വിഭാഗത്തിലാണ്​ പെടുത്തിയിരുന്നത്​. എന്നെങ്കിലും കോവിഡിനെ നേരിടേണ്ടി വരുമെന്ന്​ എനിക്കറിയാമായിരുന്നു. എല്ലാവരും ഇതിന്​ തയാറാകണം. കോവിഡ്​ മൂലമുണ്ടായ മരണങ്ങളിൽ ദുഃഖമുണ്ട്​. എന്നാൽ, എല്ലാ ദിവസങ്ങളിലും ആളുകൾ മരിക്കാറുണ്ടെന്നും ബോൽസ​നാരോ പറഞ്ഞു.

കോവിഡിനെ കുറിച്ച്​ ബോൽസനാരോയുടെ പ്രസ്​താവനകളെല്ലാം വിവാദമായിരുന്നു. ബ്രസീലിൽ പ്രതിദിന കോവിഡ്​ രോഗികളുടെ എണ്ണം വലിയ രീതിയിൽ കൂടു​േമ്പാഴും കോവിഡിനെ ചെറിയ പനിയുമായാണ്​ അദ്ദേഹം താതമ്യപ്പെടുത്തിയത്​.