അമേരിക്കയെ വിറപ്പിച്ച കൊടുംകുറ്റവാളി ഡിആഞ്ചലോ

സാക്രമെ​േൻറാ: അമേരിക്കയെ വിറപ്പിച്ച കുപ്രസിദ്ധ കൊലയാളി ജോസഫ്​ ജെയിംസ്​ ഡിആഞ്ചലോയെ കോടതിയിൽ ഹാജരാക്കി. 40 വർഷത്തിന്​ ശേഷം പിടിയിലായ  ‘ഗോൾഡൻ കോസ്റ്റ്​ സീരിയൽ കില്ലർ’ എന്നറിയപ്പെടുന്ന ഡിആഞ്ചലോയെ കോടതിയിൽ തീർത്തും അവശനായാണ്​ കാണപ്പെട്ടത്​.

അമേരിക്കയിൽ ജയിൽപുള്ളികൾ ധരിക്കുന്ന ഒാറഞ്ച്​ കളർ ഡ്രസ്സ്​ ധരിച്ച്​ ഇരുകയ്​കളും വീൽചെയറിൽ ബന്ധിച്ചായിരുന്നു ഡിആഞ്ചലോയെ കോടതിയിൽ കൊണ്ടുവന്നത്​. തീർത്തും അവശനായ ഇയാൾക്ക്​ ജഡ്​ജിയുടെ പല ചോദ്യങ്ങൾക്ക്​ മറുപടി പറയാൻ പോലും കഴിഞ്ഞില്ല. നിങ്ങൾക്ക്​ അഭിഭാഷകനുണ്ടോ എന്ന കോടതിയുടെ ചോദ്യത്തിന്​ ഉണ്ട്​ എന്ന മറുപടി മാത്രം നൽകിയിരുന്നു. തുടർന്ന്​ ഇയാൾക്ക്​ വേണ്ടി ഒരാൾ ഹാജരായി. 

1970ക​ളി​ലും 80ക​ളി​ലും കാ​ലി​ഫോ​ർ​ണി​യ​യി​ലെ എ​ട്ട്​ പ്ര​ദേ​ശ​ങ്ങ​ളി​ലാ​യി ന​ട​ന്ന 12 കൊ​ല​പാ​ത​ക​ങ്ങ​ളു​ടെ​യും 50ഒാ​ളം ബ​ലാ​ത്സം​ഗ​ങ്ങ​ളു​ടെ​യും നി​ര​വ​ധി ക​വ​ർ​ച്ച​ക​ളു​ടെ​യും പി​ന്നി​ൽ പ്ര​വ​ർ​ത്തി​ച്ച ആ​ക്ര​മി​യെ തേ​ടി പൊ​ലീ​സ്​ ന​ട​ത്തി​യ അ​ന്വേ​ഷ​ണ​ത്തി​നാ​ണ്​ ഡി ​ആ​ഞ്ച​ലോ​വി​​​​​​​​െൻറ അ​റ​സ്​​റ്റോ​ടെ പ​രി​സ​മാ​പ്​​തി​യാ​യ​ത്. 

1972 ഫെബ്രുവരി രണ്ടിന് വളർത്തുനായയുമായി നടക്കാനിറങ്ങിയ​ ബ്രിയാൻ, കാറ്റീ മാഗ്ഗിയോർ എന്ന നവദമ്പതികളെ റാഞ്ചോ കൊറഡോവയിൽ വെടിവെച്ച്​ കൊലപ്പെടുത്തിയ കേസിലെ ​പ്രതിയായിരുന്നു കാലിഫോർണിയയിൽ പൊലീസ്​ ഒാഫീസറായിരുന്ന ഡിആഞ്ചലോ. 

സ്ത്രീകൾ തനിച്ച് താമസിക്കുന്ന വീടുകൾ കേന്ദ്രീകരിച്ചാണ്​ ഇയാൾ ബലാത്സംഗങ്ങൾ നടത്താറുള്ളത്​. മുഖംമൂടി ധരിച്ച് വീടുകളുടെ വാതില്‍ തല്ലിത്തകര്‍ത്താണ് അകത്ത് കയറുക. തുടർന്ന്​ പീഡിപ്പിക്കുകയും പണവും മറ്റും അപഹരിക്കുകയും ചെയ്യും. 150ഒാളം ഭവനഭേദനക്കേസുകളാണ്​ ഡിആഞ്ചലോയുടെ പേരിലുള്ളത്​​.

വിയറ്റ്‌നാം യുദ്ധത്തില്‍ സി.​െഎ.ഏക്ക്​ വേണ്ടി ഡിആഞ്ചലോ സൈനിക വൃത്തി നടത്തിയിട്ടുണ്ട്. അവിടെ നിന്നും സ്​ത്രീകളെ ക്രൂരമായി ബലാത്സംഗം ചെയ്യുകയും കുട്ടികളെയും പുരുഷൻമാരെയും കൊലപ്പെടുത്തുകയും ​ചെയ്​തിരുന്നു. ഇരകളെ പിന്തുടർന്ന്​ കൊല്ലുന്നതും ഇയാളുടെ വിനോദമായിരുന്നുവെന്ന്​ പൊലീസ്​ പറഞ്ഞു. 1980കളിൽ ഡിആഞ്ചലോ ബലാത്സംഗം ചെയ്​ത ഒരു സ്​ത്രീ ജീവിച്ചിരിപ്പുണ്ട്​. ഇയാളുടെ അറസ്റ്റ്​ രേഖപ്പെടുത്തിയ വിവരം ആ സ്​ത്രീയെ അറിയിച്ചതായും പൊലസ്​ കൂട്ടിച്ചേർത്തു.