എല്ലാവരും എന്നെ​പ്പോലെയാകൂ; വൈറസ്​ ബാധ പ്രതിരോധിക്കാൻ ട്രംപിൻെറ ‘പൊടിക്കൈ’​ !

വാഷിങ്​ടൺ: ലോകമെമ്പാടും കോവിഡ് 19 (കൊറോണ വൈറസ്​)​ ഭീതിയിൽ വിറങ്ങലിച്ച്​ നിൽക്കവേ വൈറസ്​ ബാധ തടയാനുള്ള മാർഗ നിർദേശവുമായി അമേരിക്കൻ പ്രസിഡൻറ്​ ഡോണൾഡ്​ ട്രംപ്​. എല്ലാവരും തന്നെപ്പോലെ വൃത്തിരാക്ഷസനാവണമെന്ന്​​ വൈറ്റ് ​ ഹൗസിൽ സംഘടിപ്പിച്ച വാർത്താ സമ്മേളനത്തിൽ അദ്ദേഹം പറഞ്ഞു.

എന്ത്​ കാര്യം ചെയ്​താലും ഇടക്കിടെ കൈ സോപ്പിട് ട്​ കഴുകുന്ന ട്രംപിൻെറ രീതി മു​േമ്പ വാർത്തയായിരുന്നു. തൻെറ സ്വഭാവ വൈകൃതമെന്ന്​ പറയുന്ന ഈ കാര്യമാണ്​ വൈറസ് ബാധയിൽ നിന്ന്​ രക്ഷനേടാൻ നിങ്ങൾ സ്വീകരിക്കേണ്ട മാർഗമെന്ന്​ ട്രംപ്​ പറഞ്ഞു. വൃത്തിയുടെ കാര്യത്തിൽ താനൊരു ‘ജേമോഫോബ്’ (കീടാണുക്കളോട്​ അതിതീവ്ര ഭയമുള്ളവരെ വിളിക്കുന്ന പേര്​)​ ആണെന്നാണ്​ ട്രംപ്​ പറയുന്നത്​.

നിരന്തരം കൈ കഴുകുക.. വൃത്തിയായിരിക്കുക... നടക്കു​േമ്പാൾ കൈവരികളെല്ലാം സ്​പർശിക്കണമെന്ന്​ യാതൊരു നിർബന്ധവുമില്ല.. ആരെങ്കിലും തുമ്മിയാൽ ഞാൻ അവിടെ നിന്ന്​ എത്രയും പെട്ടന്ന്​ മാറിനിൽക്കുമെന്നും ട്രംപ്​ പറഞ്ഞു. സമീപകാലത്ത്​ താൻ നേരിട്ട ഒരു അനുഭവവും ട്രംപ്​ പങ്കുവെച്ചു.

ആഴ്​ച്ചകൾക്ക്​ മുമ്പ്​ ഒരാൾ എന്നെ കാണാൻ വന്നു. ഒരുപാട്​ വർഷമായി കാണാത്ത സുഹൃത്തിനോട്​ ഞാൻ സുഖവിവരം അന്വേഷിച്ചു. സുഖമായിരിക്കുന്നുവെന്ന്​ അദ്ദേഹം മറുപടിയും തന്നു. എന്നെ ആശ്ലേഷിക്കവേ ഞാൻ വീണ്ടും ചോദിച്ചു! നിങ്ങൾ ശരിക്കും സുഖമായിരിക്കുന്നുവോ...? എന്നാൽ കഠിനമായ പനിയുണ്ടെന്നാണ്​ മറുപടി തന്നത്​... വൈറൽ പനിയും വെച്ച്​ അയാളനിക്ക്​ ഹസ്​തദാനം നൽകുകയും ​എന്നെ ആശ്ലേഷിക്കുകയും ചെയ്​തിരിക്കുന്നു.. ഉടൻതന്നെ അദ്ദേഹത്തോട്​ അനുവാദം വാങ്ങി അകത്ത്​ പോയി കൈ സോപ്പിട്ട്​ കഴുകിയെന്നും ട്രംപ്​ വാർത്താ സമ്മേളനത്തിൽ പറഞ്ഞു.