മുസ്ലിം സ്ത്രീകൾക്കെതിരായ അധിക്ഷേപം തടയാൻ ശ്രമിച്ച രണ്ടു പേർ കുത്തേറ്റു മരിച്ചു
text_fieldsന്യൂയോർക്: യു.എസിൽ മെട്രോ െട്രയിനിൽ യാത്ര ചെയ്യുകയായിരുന്ന മുസ്ലിം സ്ത്രീകൾക്കുനേരെയുള്ള വംശീയാധിക്ഷേപം തടഞ്ഞ രണ്ടു പേർ കുത്തേറ്റു മരിച്ചു. അധിക്ഷേപം തടഞ്ഞ മറ്റൊരാൾ പരിക്കേറ്റ് ചികിത്സയിലാണ്. ഒാറിഗൺ സംസ്ഥാനത്തെ പോർട്ട്ലൻഡ് നഗരത്തിലാണ് സംഭവം.
ഒരാൾ കുത്തേറ്റയുടനെയും മറ്റൊരാൾ ആശുപത്രിയിൽ വെച്ചും മരിച്ചു. ആക്രമിയെയും കൊല്ലപ്പെട്ടവരെയും തിരിച്ചറിഞ്ഞിട്ടില്ലെന്ന് പൊലീസ് പറഞ്ഞു. പരിക്കേറ്റയാളുടെ നില ഗുരുതരമല്ല.
സംഭവത്തെ കൗൺസിൽ ഒാൺ അമേരിക്കൻ ഇസ്ലാമിക് റിലേഷൻസ് അപലപിച്ചു. മുസ്ലിംകളെ ലക്ഷ്യമിട്ട് നടക്കുന്ന വംശീയാതിക്രമങ്ങളെ അപലപിക്കാൻ പ്രസിഡൻറ് ഡോണൾഡ് ട്രംപ് തയാറാകണമെന്ന് അവർ ആവശ്യപ്പെട്ടു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.