രക്ഷാസമിതിയിൽ ഇന്ത്യയില്ലാത്തത്​ യു.എന്നിന്​ കളങ്കം -ജയശങ്കർ

വാഷിങ്​ടൺ: ഐക്യരാഷ്​ട്ര രക്ഷാസമിതിയിൽ സ്​ഥിരാംഗത്വത്തിന്​ ഇന്ത്യ എന്തുകൊണ്ടും അർഹമാണെന്നും ഇനിയും അത്​ സംഭവിക്കാത്തത്​ ഐക്യ രാഷ്​ട്ര സംഘടനയുടെ വിശ്വാസ്യതയെ ബാധിക്കുന്നുവെന്നും ഇന്ത്യൻ വിദേശകാര്യമന്ത്രി എസ്​. ജയശങ്കർ. ആഗോളതലത്തിൽ വലിയ ശക്​തിയായി ഇന്ത്യ വളർന്നുകഴിഞ്ഞ പുതിയ സാഹചര്യം പരിഗണിക്കണമെന്നും യു.എസിലെ ​സ​െൻറർ ഫോർ സ്​ട്രാറ്റജിക്​ ആൻഡ​്​​ ഇൻറർനാഷനൽ സ്​റ്റഡീസിൽ നടത്തിയ പ്രഭാഷണത്തിൽ ജയശങ്കർ അഭിപ്രായപ്പെട്ടു.

‘ഏറ്റവും വലിയ മൂന്നാമത്തെ സമ്പദ്​വ്യവസ്​ഥയുള്ള, അടുത്ത 15 വർഷത്തിനിടെ ലോകത്തെ ഏറ്റവും ജനസംഖ്യയ​ായേക്കാവുന്ന ഒരു രാജ്യം ഐക്യരാഷ്​ട്ര സംഘടനയുടെ നയരൂപവത്​കരണത്തിൽ പങ്കാളികളാകുന്നില്ലെന്നത്​ ഇന്ത്യയെ ബാധിക്കുമെന്നത്​ ശരിയാണ്​. പക്ഷേ, അത്​ യു.എന്നി​​െൻറ വിശ്വാസ്യതയെ കൂടി ബാധിക്കും. രക്ഷാസമിതിയിൽ മാത്രമല്ല, ലോകംമുഴുക്കെ സമാധാനപാലന ദൗത്യത്തിലും മറ്റുള്ളവരാണ്​ തീരുമാനങ്ങളെടുക്കുന്നത്​’- അദ്ദേഹം പറഞ്ഞു.