വിസ നിയമത്തിൽ ഇളവുമായി യു.എസ്​: എച്ച്​.വൺ.ബി വിസ​, ഗ്രീൻ കാർഡ് അപേക്ഷകർക്ക്​ 60 ദിവസത്തെ സമയം

വാഷിങ്​ടൺ: കോവിഡ്​ വ്യാപകമായി പടരുന്ന സാഹചര്യത്തിൽ എച്ച്.​വൺ ബി വിസ ഉടമകൾക്കും, സ്​ഥിരതാമസത്തിനുള്ള ഗ്രീൻ കാർഡിനും അപേക്ഷകർക്കും​ ഇളവുമായി ​ട്രംപ്​ ​ഭരണകൂടം. വിവിധ രേഖകൾ സമർപ്പിക്കുന്നതിനായി നോട്ടീസ്​ നൽകിയിട്ടുള്ള എച്ച്.​വൺ ബി വിസ ഉടമകൾക്കും ഗ്രീൻകാർഡ്​ അപേക്ഷകർക്കും 60 ദിവസത്തെ ഗ്രേസ്​ പിരിയഡ്​ ആണ്​ അനുവദിച്ചത്​.

ഇന്ത്യയടക്കമുള്ള രാജ്യങ്ങളിലെ വിദഗ്​ധ പ്രഫഷണലുകൾക്കും കുടിയേറ്റക്കാർക്കും ആശ്വാസം നൽകുന്നതാണ്​​ നടപടി. അസാധുവാക്കാനും റദ്ദാക്കാനും ഉദ്ദേശിച്ചുകൊണ്ടുള്ള നോട്ടീസുകൾ,  പ്ര​ാദേശിക നിക്ഷേപ കേന്ദ്രങ്ങൾ അവസാനിപ്പിക്കാൻ ഉദ്ദേശിച്ചുകൊണ്ടുള്ള അറിയിപ്പികൾ, ഫോറം-290B ഫയൽ ചെയ്യാനുള്ള തിയതി എന്നിവക്കാണ്​ സമയം അനുവദിച്ചത്​.