തെരുവിലിറങ്ങാതെ വീട്ടിലിരിക്കൂ; അമേരിക്കയിലെ പ്രതിഷേധങ്ങൾക്കെതിരെ ആരോഗ്യപ്രവർത്തകർ

വാഷിങ്​ടൺ: കൊളറാഡോയിലും പെൻസിൽവാനിയയിലും ലോക്​ഡൗൺ വിരുദ്ധ റാലികൾക്കെതിരെ ആരോഗ്യപ്രവർത്തകരുടെ ബോധവൽക രണം. പെൻസിൽവാനിയയിൽ തെരുവിലിറങ്ങി പ്രതിഷേധിക്കുന്നവരോട്​ വീട്ടിലേക്ക്​ തിരിച്ചുപോകാൻ നഴസുമാർ ആവശ്യപ്പെട ്ടു.

വീട്ടിലിരിക്കൂ, കോവിഡിനെ പ്രതിരോധിക്കൂ എന്ന പ്ലക്കാർഡുകൾ സഹിതമാണ്​ നഴ്​സുമാരുടെ ബോധവത്​കരണം. ടെക്​സാസ്​, ഒഹിയോ, വിസ്​കോസിൻ, കാലിഫോർണിയ, മിനിസോട്ട തുടങ്ങിയ പ്രധാന നഗരങ്ങളിലാണ്​ ലോക്​ഡൗണിനെതിരെ റാലികളുമായി ജനം രംഗത്തിറങ്ങിയത്​. നിലവിൽ കോവിഡ്​ രോഗബാധിതരുടെ എണ്ണത്തിൽ മറ്റുരാജ്യങ്ങളെ അപേക്ഷിച്ച്​ ബഹുദൂരം മുന്നിലാണ്​ യു.എസ്​.

വാഷിങ്​ടൺ സ്​റ്റേറ്റിലെ ഒളിമ്പിയ നഗരത്തിൽ നടന്ന റാലിയിൽ 2000ത്തിലേറെ ആളുകളാണ്​ പ​ങ്കെടുത്തത്​. ഇവരിലാരും സാമൂഹിക അകലം പാലിക്കുകയോ മാസ്​ക്​ ധരിക്കുകയോ ചെയ്​തിരുന്നില്ല. അഞ്ചാറു ദിവസങ്ങൾക്കുള്ളിൽ തന്നെ ഇതി​​െൻറ അനന്തരഫലം അമേരിക്ക അനുഭവിക്കുമെന്ന്​ പകർച്ചവ്യാധി വിദഗ്​ധൻ എറിക്​ ഫീജൽ ദിങ്​ മുന്നറിയിപ്പുനൽകി.