കോവിഡ്​19: മനുഷ്യരിൽ വാക്​സിൻ പരീക്ഷണം ആരംഭിച്ച്​ യു.എസ്​

വാഷിങ്​ടൺ: ലോകത്താകെ ഭീതിവിതച്ച കോവിഡ്​-19 വൈറസിനെതിരായ മരുന്ന്​ കണ്ടുപിടിക്കാനുള്ള ശ്രമത്തിൽ നിർണായക മു​ ന്നേറ്റം. അമേരിക്കയിലെ സിയാറ്റിലിൽ മനുഷ്യശരീരത്തിൽ വാക്​സിൻ പരീക്ഷണം ആരംഭിച്ചു. തിങ്കളാഴ്​ചയാണ്​ പരീക്ഷണം ത ുടങ്ങിയതെന്ന്​ അമേരിക്കൻ ആരോഗ്യവിഭാഗം ഉദ്യോഗസ്ഥർ അറിയിച്ച​ു.

എം.ആർ.എൻ.എ -1273 എന്ന പേരിൽ യു.എസ്​ നാഷനൽ ഇൻസ്​റ്റിററ്യൂട്ട്​ ഓഫ്​ ഹെൽത്താണ്​ (എൻ.ഐ.എച്ച്​) വാക്​സിൻ വികസിപ്പിച്ചെടുത്തത്​. കേംബ്രിഡ്​ജ്​ ആസ്ഥാനമായി പ്രവർത്തിക്കുന്ന ബയോടെക്​നോളജി കമ്പനിയായ മോഡേർനയുമായി സഹകരിച്ചാണ്​ വാക്​സിൻ കണ്ടെത്തിയത്​.

മനുഷ്യരിൽ പരീക്ഷിച്ച്​ പാർശ്വഫലങ്ങൾ പരിശോധിച്ച ശേഷം മാത്രമേ വാക്​സിൻ വിപണിയിൽ ലഭ്യമാക്കൂ. കൂടുതൽ പരിശോധനകൾക്കായി ഒരു വർഷം മുതൽ 18 മാസം വരെ സമയമമെടുക്കുമെന്നാണ്​ റിപ്പോർട്ട്​.

ആദ്യഘട്ടത്തിൽ 18നും 55 വയസിനും ഇടയിലുള്ള 45 പേരിലാണ്​ പരീക്ഷണം നടത്തുക. ഇതിന്​ ആറാഴ്​ച സമയമെടുക്കും. വാക്​സിൻ വികസിപ്പിക്കുന്നതിന്​ ഓസ്​ലോ ആസ്ഥാനമായി പ്രവർത്തിക്കുന്ന ഒ.സി.പി.ഐ ആണ്​ (െകാളീഷൻ ഫോർ എപ്പിഡമിക്​ പ്രിപെയ്​ഡ്​നസ്​ ഇനൊവേഷൻസ്)​ ധനസഹായം നൽകിയിരിക്കുന്നത്​.

യു.എസ് കമ്പനിയായ ഗിലീഡ് സയൻസസ് വികസിപ്പിച്ചെടുത്ത റെംഡെസിവിർ എന്ന മരുന്ന് ഏഷ്യയിൽ ക്ലിനിക്കൽ പരീക്ഷണങ്ങളുടെ അവസാനഘട്ടത്തിലാണ്​. കോവിഡ്​ 19 അതി​വ്യാപകമായി പടർന്നുകൊണ്ടിരിക്കുന്ന സാഹചര്യത്തിൽ പല രാജ്യങ്ങളും ഫലപ്രദമായ വാക്​സിൻ വികസിപ്പിക്കാനുള്ള ശ്രമം നടത്തുന്നുണ്ട്​.