കോവിഡ്​ 19: യു.എസിൽ മൂന്നു മരണം കൂടി; 120 പേർക്ക്​ രോഗ സ്​ഥിരീകരണം

വാഷിങ്​ടൺ: അമേരിക്കയിൽ കോവിഡ്​ 19 അതിവേഗം പടരുന്നു. ചൊവ്വാഴ്​ച മൂന്നുപേർ മരിച്ചു. ഇതോടെ രാജ്യത്ത്​ മരിച്ചവ രുടെ എണ്ണം ഒമ്പതായി ഉയർന്നു. 120 പേർക്കാണ്​ രോഗം സ്​ഥിരീകരിച്ചത്​. അതിൽ 21 പേരും വാഷിങ്​ടണിലെ സീറ്റിൽ നഗരത്തിലാണ ്​​.

രോഗം ബാധിച്ചവർ നഴ്​സിങ്​ ഹോമുകളിലെ ഐസൊലേഷൻ വാർഡുകളിൽ ചികിത്സയിലാണെന്ന്​ അധികൃതർ അറിയിച്ചു​. ചൊവ്വാഴ്​ച പുതുതായി 27 പേർക്കാണ്​ രോഗം സ്​ഥിരീകരിച്ചത്​. ഇതിൽ ഏഴുപേർ കിങ്​കൗണ്ടിയിലാണ്​.

കൊറോണ സ്​ഥിരീകരിക്കാൻ ഒരാഴ്​ചയിൽ 10 ലക്ഷം പേരുടെ രക്തസാമ്പിളുകൾ പരിശോധന നടത്തിയതായി എഫ്​.ഡി.എ അറിയിച്ചു. വൈറസ്​ ബാധിതരുടെ എണ്ണം ഉയർന്നതോടെ ആരോഗ്യ പ്രവർത്തകർക്കും ജാഗ്രത നിർദേശം നൽകി.

അമേരിക്കയിലെ 13 സംസ്​ഥാനങ്ങളിലാണ്​ കൊറോണ റിപ്പോർട്ട്​ ചെയ്​തത്​. ഇതിൽ ഏറ്റവും കൂടുതൽ കാലിഫോർണിയയിലും വാഷിങ്​ടണിലുമാണ്​. അരിസോണ, ​േഫ്ലാറിഡ, ജോർജിയ, ഇല്ലിനോയിസ്​, മസാച്ചുസെറ്റ്​സ്​, ന്യൂ ഹാംഷെയർ, ന്യൂയോർക്ക്​, ന്യൂ കരോലിന, ഒറിഗോൺ, റോഡ്​ ഐലൻസ്​, വിസ്​കോസിൻ എന്നീ സംസ്​ഥാനങ്ങളിലും രോഗ ബാധ റിപ്പോർട്ട്​ ചെയ്​തു.