കോവിഡ്​: അടുത്ത വ്യാപനകേന്ദ്രം യു.എസ്​ -ലോകാരോഗ്യ സംഘടന

ജനീവ: ചൈനയും ഇറ്റലിയും കഴിഞ്ഞാൽ കോവിഡ്​-19​​െൻറ വ്യാപന കേന്ദ്രമായി യു.എസ്​ മാറുമെന്ന്​ ലോകാരോഗ്യ സംഘടനയുടെ മുന്നറിയിപ്പ്​. യു.എസിൽ അതിവേഗത്തിലാണ്​ വൈറസ്​ പടരുന്നത്​. യു.എസിൽ 54,867 പേർക്കാണ്​ വൈറസ്​ ബാധ സ്​ഥിരീകരിച്ചത്​. മരിച്ചവരുടെ എണ്ണം 785 ആയി. 163 പേരാണ്​ ചൊവ്വാഴ്​ചമാത്രം മരണത്തിനു കീഴടങ്ങിയത്​. കഴിഞ്ഞ 24 മണിക്കൂറിനുള്ളിൽ പുതിയ കേസുകളിൽ 85 ശതമാനവും റിപ്പോർട്ട്​ ചെയ്​തത്​ യൂറോപ്പിലും യു.എസിലുമാണ്​. അതിൽതന്നെ 40 ശതമാനം യു.എസിലാണ്​. യു.എസി​​െൻറ സമ്പദ്​ വ്യവസ്​ഥയെ തകർക്കുന്ന രീതിയിലാണ്​ കോവിഡ്​ വ്യാപനം. സംസ്​ഥാനങ്ങളെല്ലാം അടച്ചിട്ടിരിക്കയാണ്​. രോഗം പടർന്നുപിടിക്കുന്ന സാഹചര്യത്തിൽ എല്ലാ സംസ്​ഥാനത്തും മാസ്​കും വ​െൻറിലേറ്ററും എത്തിക്കാൻ ബുദ്ധിമുട്ടു​ണ്ടെന്ന്​ യു.എസ്​ പ്രസിഡൻറ്​ ഡോണൾഡ്​ ട്രംപ്​ വ്യക്തമാക്കി.

അമേരിക്കൻ സ്വദേശികളായ യു.എസ്​.എസ്​ തിയോഡോർ റൂസ്​വെൽറ്റ്​ വിമാനവാഹിനിക്കപ്പലിലെ മൂന്ന്​ ജീവനക്കാർക്ക്​ കോവിഡ്​ സ്​ഥിരീകരിച്ചു. കപ്പലിൽ മൂവരുമായും ബന്ധം പുലർത്തിയിര​ുന്നവരെ നിരീക്ഷണത്തിലാക്കി. 5000 പേരാണ്​ കപ്പലിലുണ്ടായിരുന്നു.

അതിനിടെ, കോവിഡ്​ തകർത്ത സമ്പദ്​വ്യവസ്​ഥയെ പുനരുജ്ജീവിപ്പിക്കാൻ ​ട്രംപും സെനറ്റും 1.8​ ട്രില്യൺ ​ഡോളറി​​െൻറ സാമ്പത്തിക പാ​ക്കേജിന്​ അംഗീകാരം നൽകി. തകർന്ന വ്യവസായ സ്​ഥാപനങ്ങളും ആരോഗ്യമേഖലയും പുനരുജ്ജീവിപ്പിക്കാനാണ്​ പാക്കേജ്​. യുദ്ധകാലത്തെ നിക്ഷേപം എന്നാണ്​ പാക്കേജിനെ റിപ്പബ്ലിക്കൻ ഭൂരിപക്ഷമുള്ള സെനറ്റ്​ നേതാവ്​ മിച്ച്​ മക്​കോണൽ വിശേഷിപ്പിച്ചത്​. പാക്കേജ്​ പ്രഖ്യാപിച്ചതോടെ വാൾസ്​ട്രീറ്റ്​, ഡൗ ജോൺസ്​ ഓഹരികൾ കുതിച്ചു. ചൊവ്വാഴ്​ച ജാപ്പനീസ്, യൂറോപ്യൻ ​ ഓഹരിവിപണിയും ലാഭത്തിലാണ്​ വ്യാപാരം അവസാനിപ്പിച്ചത്​.