പുതിയ വിസ നിയന്ത്രണങ്ങളുമായി അമേരിക്ക

വാഷിങ്​ടൺ: സുരക്ഷ മാനദണ്ഡങ്ങൾ പാലിക്കുന്നതിൽ വീഴ്​ച വരുത്തിയെന്നാരോപിച്ച്​ ചില രാജ്യങ്ങൾക്കു​ മേൽ ​അമേരി ക്കൻ പ്രസിഡൻറ്​ ഡോണൾഡ്​ ട്രംപ്​ വിസ നിയന്ത്രണമേർപ്പെടുത്തി.

ഇതുപ്രകാരം ഇറാൻ, ലിബിയ, ഉ. കൊറിയ, സിറിയ, വെനിസ ്വേല, യമൻ, സോമാലിയ എന്നീ രാജ്യങ്ങളിൽ നിന്നുള്ളവർ അമേരിക്കയിൽ പ്രവേശിക്കുന്നത്​ വിലക്കി. മ്യാന്മർ, എറിത്രീയ, ക ിർഗിസ്​താൻ, നൈജീരിയ എന്നീ രാജ്യക്കാർക്കുള്ള അഭയാർഥി വിസയും നിർത്തിവെച്ചു. ഇതിനുപു​റമെ ‘വിസ ലോട്ടറി’യിൽ നിന്ന്​ (അഭയാർഥി വിസയിലുള്ളവർക്ക്​ ഗ്രീൻകാർഡ്​ ലഭിക്കുന്ന പദ്ധതി) സുഡാൻ, താൻസനിയ രാജ്യങ്ങളേയും ഒഴിവാക്കിയതായി വൈറ്റ്​ ഹൗസ്​ പ്രസ്​ സെക്രട്ടറി സ്​റ്റെഫാനി ഗ്രിഷാം അറിയിച്ചു.

പുതിയ നിയന്ത്രണങ്ങൾ വിനോദസഞ്ചാരികൾ, വ്യവസായികൾ അടക്കമുള്ള അഭയാർഥി ഇതര യാത്രക്കാർക്ക്​ ബാധകമല്ല. ഇപ്പോൾ നിയന്ത്രണമേർപ്പെടുത്തിയ രാജ്യങ്ങളിൽ അമേരിക്കയുടെ സുരക്ഷ മാനദണ്ഡങ്ങൾക്കനുസരിച്ച്​ മാറ്റം വരുത്തുന്നതിനായി പരിശ്രമിക്കുമെന്നും അവർ പറഞ്ഞു.

‘വെള്ള വംശീയ അജണ്ട’
വാഷിങ്​ടൺ: യു.എസ്​ പ്രസിഡൻറ്​ ഡോണൾഡ്​ ട്രംപി​​െൻറ വെള്ള വംശീയ അജണ്ടയാണ്​ പുതിയ ഉത്തരവിലൂടെ വ്യക്​തമാകുന്നതെന്ന്​ മനുഷ്യാവകാശ പ്രവർത്തകർ. 2017 ജനുവരിയിൽ മുസ്​ലിംകളെ ലക്ഷ്യമിട്ട്​ നടപ്പാക്കിയ നിരോധത്തി​​െൻറ തുടർച്ചയാണിത്​.

മുസ്​ലിം ഭൂരിപക്ഷ രാജ്യങ്ങളെയും അഭയാർഥി സമൂഹങ്ങളെയും ലക്ഷ്യമിട്ടുള്ളതാണ്​ പുതിയ നീക്കമെന്നും അവർ കുറ്റപ്പെടുത്തി. മുസ്​ലിംകളെ തടയുന്ന പുതിയ തീരുമാനത്തിലൂടെ അമേരിക്ക സുരക്ഷിതമാകില്ലെന്നും രാജ്യത്തിന്​ അഭിവൃദ്ധി ഉണ്ടാകില്ലെന്നും യു.എസ്​ സെനറ്റർ ക്രിസ്​ മർഫി പറഞ്ഞു. ട്രംപി​​െൻറ വിവേചനപരമായ ഈ നിയമം പിൻവലിക്കുംവരെ താൻ പോരാടുമെന്ന്​ അദ്ദേഹം പറഞ്ഞു.

നിറത്തി​​െൻറയും മതത്തി​േൻറയും പേരിൽ ആളുകളെ തടയുന്ന ട്രംപി​​െൻറ മുസ്​ലിം വിരോധം വർധിച്ചിരിക്കുകയാണെന്ന്​ അമേരിക്കൻ സിവിൽ ലിബർട്ടീസ്​ യൂനിയൻ ഡയറക്​ടർ ഉമർ ജദാവദ്​ പറഞ്ഞു. കറുപ്പിനോട്​ അമേരിക്കക്ക്​ കാര്യമായ പ്രശ്​നമുണ്ടെന്നാണ്​ ഈ ​നിരോധനം വെളിപ്പെടുത്തുന്നതെന്ന്​ അൺഡോകു ബ്ലാക്​ നെറ്റ്​വർക്​ ഡയറക്​ടർ പാട്രീക്​ ലോറൻസ്​ പറഞ്ഞു.