പാരിസ്​ ഉടമ്പടിയിൽ നിന്ന്​ യു.എസ്​ പിൻമാറി

വാഷിങ്ടൻ: കാലാവസ്ഥാ വ്യതിയാനത്തെ നേരിടാനുള്ള പാരിസ് കാലാവസ്ഥ ഉടമ്പടിയിൽ നിന്നും യു.എസ്​ പിൻമാറി. പാരിസ്​ ഉടമ്പടിയിൽ നിന്ന്​ പിൻമാറുന്നതായി യു.എസ്​ പ്രസിഡൻറ്​ ഡോണാൾഡ്​ ട്രംപ്​ വൈററ്​ ഹൗസിൽ അറിയിച്ചു.  

യു.എസ്​ പരിസ്​ഥിതി സൗഹൃദമാകും. എന്നാൽ വ്യവസായങ്ങൾ നിർത്തലാക്കാൻ തയാറാല്ല. രാജ്യത്തി​​​​െൻറ വളർച്ചക്ക്​ വ്യവസായങ്ങൾ ആവശ്യമാണെന്നും ട്രംപ്​ പറഞ്ഞു​. ലോകത്തോടല്ല, രാജ്യത്തോടാണ്​ തനിക്ക്​ ഉത്തരവാദിത്തം. ഉടമ്പടികൊണ്ട്​ രാജ്യത്തെ ജനങ്ങൾക്ക്​​ ഒരു ഉപകാരവുമില്ല. യു.എസിൽ നിന്ന്​ വൻ തുക പിഴ ഇൗടാക്കുന്ന കരാർ രാജ്യത്തി​​​​െൻറ സാമ്പത്തിക വ്യവസ്​ഥക്ക്​ ആഘാതമാണ്​ നൽകുക. മറ്റു രാജ്യങ്ങളുടെ ഗൂഢാലോചനയാണ്​ കരാറിനു പിന്നിൽ. അതിനാൽ കരാറിൽ നിന്ന്​ പിൻമാറുകയാണ്​. ജനങ്ങൾക്ക്​ നൽകിയ തെരഞ്ഞെടുപ്പ്​ വാഗ്​ദാനം പാലിക്കാൻ സാധിച്ചതിൽ സന്തോഷവാനാണെന്നും ട്രംപ്​ കൂട്ടിച്ചേർത്തു. 

ഏറ്റവും കൂടുതൽ കാർബൺ വാതകങ്ങൾ പുറന്തള്ളുന്ന രണ്ടാമത്തെ രാജ്യമാണ്​ അമേരിക്ക.  2025 ആകുമ്പോള്‍ ഹരിതഗൃഹവാതകങ്ങൾ പുറന്തള്ളുന്നതി​​​​​​െൻറ  നിരക്ക് 2005 ലേതില്‍നിന്ന് 28% കുറക്ക​ു‌മെന്നായിരുന്നു യു.എസി​​​​​​െൻറ ഉറപ്പ്​. 2015ൽ 195 രാജ്യങ്ങൾ ഒപ്പുവെച്ച കരാറാണ്​ പാരിസ്​ ഉടമ്പടി. 

അന്തരീക്ഷ മലിനീകരണം നിയന്ത്രിക്കുന്നതിന്​ കാർബൺ പുറന്തള്ളൽ കുറക്കാനുള്ള ഉടമ്പടിയെ പിന്തുണക്കണമെന്നു ജി 7ലെ മറ്റു രാഷ്ട്രങ്ങൾ യു.എസിനുമേൽ സമ്മർദം ചെലുത്തിയിരുന്നു. അധികാരത്തിലെത്തിയാൽ പാരിസ്​ കാലാവസ്ഥ ഉടമ്പടി റദ്ദാക്കുമെന്നായിരുന്നു ട്രംപി​​​​​​െൻറ തെരഞ്ഞെടുപ്പ്​ വാഗ്​ദാനം. 

അതേസമയം, പാരിസ്​ ഉടമ്പടിയിൽ നിന്ന്​ പിൻമാറാനുള്ള യു.എസ്​ പ്രസിഡൻറ്​ ​ഡോണാൾഡ്​ ട്രംപി​​​െൻറ തീരുമാനത്തിനെതിരെ മുൻ പ്രസിഡൻറ്​ ബരാക്​ ഒമാബ. പാരിസ്​ ഉടമ്പടിയിൽ നിന്ന്​ പിൻമാറാനുള്ള തീരുമാനം ഭാവിയെ തള്ളിപ്പറയലാണെന്ന്​ ഒബാമ ഒാർമിപ്പിച്ചു. പാരിസ്​ ഉടമ്പടി ഭാവി തലമുറയെ സംരക്ഷിക്കുന്നതിനുള്ളതാണെന്നും ഒബാമ ഒാർമിപ്പിച്ചു.