യു.എസിൽ മരണം 47,000 കടന്നു; കോവിഡി​െൻറ രണ്ടാംഘട്ട വ്യാപനമുണ്ടായേക്കാമെന്ന്​ മുന്നറിയിപ്പ്​

വാഷിങ്​ടൺ: ലോകത്ത്​ ഏറ്റവുംകൂടുതൽ​ കോവിഡ്​ ബാധിതരുള്ള യു.എസിൽ 24 മണിക്കൂറിനിടെ​ 1783 പേർ മരിച്ചതായി ജോൺ ഹോപ് ​കിൻസ്​ യൂനിവേഴ്​സിറ്റി​. ബാൾട്ടിമോർ ആസ്​ഥാനമായ യൂനിവേഴ്​സിറ്റിയുടെ റിപ്പോർട്ട്​ പ്രകാരം 848,994 പേർ രോഗബാധി തരാണ്​. ലോകത്തെ നാലിലൊന്ന്​ കോവിഡ്​ ബാധിതരുള്ളത്​ യു.എസിലാണ്​. ആകെ മരണം 47,676 ആയി.

അതേമസയം, യു.എസിൽ വർഷാവസാ നത്തോടെ കോവിഡി​​​െൻറ രണ്ടാംഘട്ട വ്യാപനം ഉണ്ടായേക്കുമെന്ന്​ ആരോഗ്യവിഭാഗം മുന്നറിയിപ്പ്​ നൽകിയിട്ടുണ്ട്​.
ശൈത്യകാലത്ത് പകർച്ചവ്യാധി പടരുന്ന സമയത്ത് കോവിഡിൻെറ വ്യാപനംകൂടിയുണ്ടായാൽ സ്ഥിതിഗതികൾ പിടിച്ചാൽ കിട്ടാതാവുമെന്ന് യു.എസിലെ സെന്റർ ഫോർ ഡിസീസ് കൺട്രോൾ ആൻഡ് പ്രിവൻഷൻ (സി.ഡി.സി.) ഡയറക്ടർ റോബർട്ട് റെഡ്ഫീൽഡ് അറിയിച്ചു.

വൈറസ് വ്യാപനത്തെത്തുടർന്ന് ഗ്രീൻ കാർഡിനുള്ള അപേക്ഷാനടപടികൾ 60 ദിവസത്തേക്ക്​ നിർത്തിവെക്കാനുള്ള ഉത്തരവിൽ യു.എസ്. പ്രസിഡന്റ് ഡോണാൾഡ് ട്രംപ് ഒപ്പുവെച്ചു. കൂടാതെ വൈറസ് പ്രതിരോധത്തിനും ചെറുകിട വ്യവസായങ്ങളെ സഹായിക്കാനുമായി ധനസഹായ പാക്കേജുകളും പ്രഖ്യാപിച്ചിട്ടുണ്ട്​.

ലോകത്ത്​ കോവിഡ്​ ബാധിച്ചവരുടെ എണ്ണം 2,637,673 ആയി ഉയർന്നു. വൈറസ്​ ബാധയെ തുടർന്ന്​ വിവിധ രാജ്യങ്ങളിലായി 184,217 പേരാണ്​ ഇതുവരെ മരിച്ചത്​. 717,625 പേർ രോഗമുക്തി നേടി.

ലോകത്താകെ റിപ്പേർട്ട്​ ചെയ്​ത കോവിഡ്​ കേസുകളുടെ 80 ശതമാനവും യു.എസിലും യൂറോപ്പിലുമാണ്​. സ്​പെയിൻ 208,389, ഇറ്റലി 187,327, ഫ്രാൻസ്​ 159,877, ജർമ്മനി 150,648, യു.കെ 150,648 എന്നിങ്ങനെയാണ്​ കോവിഡ്​ ബാധിതരുടെ കണക്കുകൾ.