ഇസ്രായേലി​െൻറ കുടിയേറ്റ പദ്ധതി സമാധാന ശ്രമങ്ങൾക്ക്​ തടസമെന്ന്​ യു.എസ്​

വാഷിങ്​ടൺ: അധിനിവിഷ്​ട വെസ്​റ്റ്​ ബാങ്കിൽ ഇസ്രായേൽ പുതിയ കുടിറ്റേ ഭവനങ്ങൾ നിർമിക്കുന്നത്​ ഫലസ്​തീനുമായുള്ള സമാധാനശ്രമങ്ങൾക്ക്​ സഹായകരമാകില്ലെന്ന്​ ​വൈറ്റ്​ ഹൗസ്​ അറിയിച്ചു. 

എന്നാൽ, ഇസ്രായേൽ പ്രധാനമന്ത്രി ബിന്യമിന്‍ നെതന്യാഹുവി​​െൻറ സന്ദർശനത്തോടനുബന്ധിച്ച്​ വൈറ്റ്​ ഹൗസ്​ പുറത്തിറക്കിയ പ്രസ്​താവനയിൽ ഡൊണാൾഡ് ​ട്രംപി​​െൻറ ഭരണകൂടം കുടിയേറ്റത്തെ സംബന്ധിച്ച്​ ഒൗദ്യോഗികമായി നിലപാടെടുത്തിട്ടില്ലെന്ന്​ വ്യക്​തമാക്കിയിരുന്നു. 

‘നിലവിലെ കുടിയേറ്റ ഭവനങ്ങൾ സമാധന ശ്രമങ്ങൾക്ക്​ തടസമുണ്ടാക്കുമെന്ന്​ വിശ്വസിക്കുന്നില്ലെങ്കിലും പുതിയ ഭവനങ്ങളുടെ നിർമാണവും പഴയതി​​െൻറ വിപുലീകരണവും സമാധാന ശ്രമങ്ങളെ തുരങ്കം വെക്കുമെന്നാ’ണ്​ വൈറ്റ്​ ഹൂസ്​ പുറത്തിറക്കിയ പുതിയ ​പ്രസ്​താവന വ്യക്​തമാക്കുന്നത്​. 

‘1990കൾക്ക്​ ശേഷം ആദ്യമായി അധിനിവിഷ്​ട വെസ്​റ്റ്​ ബാങ്കിൽ പുതിയ കുടിയേറ്റ ഭവനം നിർമിക്കുമെന്ന’ ഇസ്രാ​േയലി​​െൻറ പ്രഖ്യാപനം പുറത്തു വന്ന സാഹചര്യത്തിലാണ്​ വൈറ്റ്​ ഹൗസ്​ പ്രസ്​താവന ഇറക്കിയതെന്ന്​ കരുതുന്നു. 

അധിനിവിഷ്ട വെസ്റ്റ്ബാങ്കില്‍ 3000 അനധികൃത ഭവനങ്ങള്‍ നിര്‍മിക്കുമെന്നാണ്​ ഇസ്രായേല്‍ പ്രഖ്യാപിച്ചത്​. വെസ്റ്റ്ബാങ്കിലെ ജൂദിയ സമരിയ മേഖലയില്‍ 3000 ഭവനങ്ങള്‍ നിര്‍മിക്കാന്‍ പ്രധാനമന്ത്രി ബിന്യമിന്‍ നെതന്യാഹുവും പ്രതിരോധമന്ത്രി അവിദ്ഗോര്‍ ലീബര്‍മാനുമാണ് ഉത്തരവിട്ടത്. 

ഇസ്രായേൽ അനുകൂല നിലപാടായിരുന്നു ട്രംപി​േൻറത്​. ഫലസ്​തീനിലേക്കുള്ള ഇസ്രയേൽ കുടിറ്റേം അവസാനിപ്പിക്കണ​െമന്ന യു.എൻ രക്ഷാ സമിതി പ്രമേയത്തെ ഡിസംബറിൽ ട്രംപ്​ വിമർശിച്ചിരുന്നു. എന്നാൽ അതിൽ നിന്നുള്ള നേരിയ നിലപാട്​ മാറ്റമായാണ്​ പുതിയ നീക്കം വിലയിരുത്ത​െപ്പടുന്നത്​.