മുന്നറിയിപ്പ്​ നൽകിയിരുന്നു, ഒന്നും മറച്ചുവെക്കാനില്ല; ലോകാരോഗ്യ സംഘടന

ജനീവ: കോവിഡ്​ രോഗബാധ മറ്റുരാജ്യങ്ങളിലേക്ക്​ പടർന്നു തുടങ്ങിയതുമുതൽ എല്ലാവർക്കും മുന്നറിയിപ്പ്​ നൽകിയിരു ന്നതായും രോഗബാധയെ സംബന്ധിച്ച്​ യാതൊന്നും ഇതുവരെ മറച്ചുവെച്ചിട്ടില്ലെന്നും ലോകാരോഗ്യ സംഘടന. കോവിഡ്​ രേ ാഗ ബാധ സംബന്ധിച്ച വിവരങ്ങൾ​ ലോകാരോഗ്യ സംഘടന മറുച്ചുവെച്ചുവെന്ന യു.എസിൻെറ ആരോപണത്തെ നിഷേധിച്ചാണ്​ ലോകാരേ ാഗ്യ സംഘടന തലവൻ ടെഡ്രോസ് അദാനം ഗെബ്രിയേസസിൻെറ പ്രസ്​താവന.

ദുഷ്​ട വൈറസ്​ പടർന്നുപിടിച്ചു തുടങ്ങിയ അന്നുമുതൽ എല്ലാ ലോക രാജ്യങ്ങളും ഇതിനെ​തിരെ പോരാടണമെന്ന്​ അറിയിച്ചിരുന്നതായും അദ്ദേഹം പറഞ്ഞു.

ലോകാരോഗ്യ സംഘടന തുറന്നുകിടക്കുകയാണ്​. ഞങ്ങൾക്ക്​ ഒന്നും ഒളിക്കേണ്ട കാര്യമില്ല. എല്ലാ രാജ്യങ്ങൾക്കും ​ഒരേപോലെ ഒരേ സന്ദേശങ്ങൾ കൈമാറും. ഇത്​ രാജ്യങ്ങ​ൾക്ക്​ കോവിഡിനെത​ിരെ മുൻകരുതൽ സ്വീകരിക്കുന്നതിനും അവരെ സഹായിക്കുന്നതിനുമാണെന്നും ​ടെഡ്രോസ് അദാനം വിശദീകരിച്ചു.

കഴിഞ്ഞവർഷം ചൈനയിലെ വുഹാനിൽ കണ്ടെത്തിയ വൈറസ്​ മറ്റു ലോകരാജ്യങ്ങളിലേക്ക്​ പടരുകയായിരുന്നു. ഏകദേശം 24 ലക്ഷം പേർക്ക്​ രോഗബാധ കണ്ടെത്തി. 1,65000 പേർ മരിക്കുകയും ചെയ്​തു. യു.എസിലാണ്​ ഏറ്റവും കുടുതൽ പേർ മരിച്ചത്​. ഏകദേശം 42,000 ത്തിൽ അധികംപേർ ഇവിടെ മരിച്ചു.

ലോകാരോഗ്യ സംഘടനക്ക്​ കൂടുതൽ ​ഫണ്ട്​ കൈമാറുന്ന രാജ്യങ്ങളി​ലൊന്ന്​ അമേരിക്കയായിരുന്നു. എന്നാൽ സംഘടന അനധികൃതമായി ചെലവഴിക്കു​ന്നുവെന്ന്​ ആരോപിച്ച്​ യു.എസ്​ ഫണ്ട്​ തടഞ്ഞുവെക്കുകയായിരുന്നു. തുടർന്ന്​ ലോകാരോഗ്യ സംഘടന കോവിഡിനെക്കുറിച്ച്​ മുന്നറിയിപ്പ്​ നൽകിയില്ലെന്നും ചൈനയെ കൂടുതൽ സഹായിക്കുകയാണെന്നും യു.എസ്​ ആരോപണം.