ഇസ്രായേൽ വം​ശവെറി വളർത്തുന്നു-ആംനെസ്റ്റി

ല​ണ്ട​ൻ: ഫ​ല​സ്തീ​നി​ക​ൾ​ക്കു​നേ​രെ ഇ​സ്രാ​യേ​ൽ ന​ട​പ്പാ​ക്കു​ന്ന​ത് ക​ടു​ത്ത വം​ശ​വെ​റി​യെ​ന്ന കു​റ്റ​കൃ​ത്യ​മെ​ന്ന് ആം​നെ​സ്റ്റി. അ​ധഃ​കൃ​ത വം​ശ​ത്തോ​ടെ​ന്ന​പോ​ലെ​യു​ള്ള പെ​രു​മാ​റ്റ​മാ​ണ് അ​വ​ർ​ക്കു​നേ​രെ തു​ട​രു​ന്ന​തെ​ന്നും ചൊ​വ്വാ​ഴ്ച പു​റ​ത്തു​വി​ട്ട 25 പേ​ജ് റി​​പ്പോ​ർ​ട്ട് കു​റ്റ​പ്പെ​ടു​ത്തു​ന്നു.

ഫ​ല​സ്തീ​നി​ക​ളു​ടെ ഭൂ​മി​യും ആ​സ്തി​ക​ളും പി​ടി​ച്ചെ​ടു​ക്ക​ൽ, നി​യ​മം അ​നു​വ​ദി​ക്കാ​ത്ത കൊ​ല​പാ​ത​ക​ങ്ങ​ൾ, നി​ർ​ബ​ന്ധി​ത കു​ടി​യൊ​ഴി​പ്പി​ക്ക​ൽ, സ​ഞ്ചാ​ര​സ്വാ​ത​ന്ത്ര്യം മു​ട​ക്ക​ൽ, അ​ന്യാ​യ​മാ​യി ത​ട​വി​ലി​ട​ൽ, പൗ​ര​ത്വ​വും ദേ​ശീ​യ സ്വാ​ത​ന്ത്ര്യ​വും നി​ഷേ​ധി​ക്ക​ൽ എ​ന്നി​ങ്ങ​നെ അ​പാ​ർ​ത്തീ​ഡി​ന്റെ ഭാ​ഗ​മാ​​യ​​തെ​ല്ലാം ഇ​സ്രാ​യേ​ൽ നി​ർ​ബാ​ധം തു​ട​രു​ക​യാ​ണ്. 1948ൽ ​നി​ല​വി​ൽ വ​ന്ന​തു​മു​ത​ൽ ജൂ​ത മേ​ൽ​ക്കൈ സ്ഥാ​പി​ക്കാ​നു​ള്ള ക​ടു​ത്ത ന​ട​പ​ടി​ക​ളാ​ണ് ഭ​ര​ണ​കൂ​ടം ന​ട​പ്പാ​ക്കി​വ​രു​ന്ന​ത്.

കു​ടി​യേ​റ്റ ജൂ​ത​ർ​ക്ക് സൗ​ക​ര്യ​പ്ര​ദ​മാ​കും​വി​ധം ​ഫ​ല​സ്തീ​നി​ലെ ഭൂ​മി​ക്കും വി​ഭ​വ​ങ്ങ​ൾ​ക്കും മേ​ൽ സ​മ​ഗ്രാ​ധി​പ​ത്യ​വും തു​ട​രു​ന്നു. 1967ലെ ​യു​ദ്ധ​ത്തോ​ടെ ച​രി​ത്ര​പ​ര​മാ​യി ഫ​ല​സ്തീ​ന്റെ ഭാ​ഗ​മാ​യി​രു​ന്ന ഭൂ​മി​യൊ​ക്കെ​യും ഇ​സ്രാ​യേ​ൽ അ​ധി​നി​വേ​ശം ന​ട​ത്തി​യി​രു​ന്നു. ഫ​ല​സ്തീ​നി​ക​ൾ​ക്ക് വി​ട്ടു​ന​ൽ​കി​യ ഗ​സ്സ​യി​ലും വെ​സ്റ്റ് ബാ​ങ്കി​ലും ഇ​തു​ത​ന്നെ സ്ഥി​തി. ഗ​സ്സ​യി​ലും വെ​സ്റ്റ് ബാ​ങ്കി​ലും മാ​ത്ര​മ​ല്ല, കി​ഴ​ക്ക​ൻ ജ​റൂ​സ​ല​മി​ലും ഇ​സ്രാ​യേ​ലി​ലും ക​ഴി​യു​ന്ന ഫ​ല​സ്തീ​നി​ക​ളെ അ​ധഃ​കൃ​ത വ​ർ​ഗ​ങ്ങ​ളെ​യെ​ന്ന​പോ​ലെ ക​ണ്ട് എ​ല്ലാ അ​വ​കാ​ശ​ങ്ങ​ളും നി​ഷേ​ധി​ക്കു​ക​യാ​ണ് -ആം​നെ​സ്റ്റി സെ​ക്ര​ട്ട​റി ജ​ന​റ​ൽ അ​ഗ്ന​സ് ക​ല​മാ​ർ​ഡ് പ​റ​ഞ്ഞു.

ഫ​ല​സ്തീ​നി​ൽ വംശവെറി ഭ​ര​ണം ഇ​നി​യും തു​ട​രാ​തെ കാ​ക്കാ​ൻ ഇ​സ്രാ​യേ​ലി​നെ​തി​രെ സ​മ​ഗ്ര ആ​യു​ധ ഉ​പ​രോ​ധം ന​ട​പ്പാ​ക്ക​ണ​മെ​ന്നും ആ​സ്തി​ക​ൾ ക​ണ്ടു​കെ​ട്ട​ണ​മെ​ന്നും ആം​നെ​സ്റ്റി യു.​എ​ൻ ര​ക്ഷാ​സ​മി​തി​യോ​ട് ആ​വ​ശ്യ​പ്പെ​ട്ടു.

ക​ഴി​ഞ്ഞ വ​ർ​ഷം ഏ​പ്രി​ലി​ൽ ഹ്യൂ​മ​ൻ​റൈ​റ്റ്സ് വാ​ച്ചും സ​മാ​ന റി​പ്പോ​ർ​ട്ട് പു​റ​ത്തു​വി​ട്ടി​രു​ന്നു. ഫ​ല​സ്തീ​നി​ലു​ട​നീ​ളം ഇ​സ്രാ​യേ​ൽ സൈ​നി​ക​ഭ​ര​ണം നി​ല​നി​ൽ​ക്കു​ക​യാ​ണ്. ഇ​ത് കൂ​ടു​ത​ൽ ക​ർ​ക്ക​ശ​മാ​ക്കി​യാ​ണ് ഫ​ല​സ്തീ​നി​ക​ളു​ടെ ഭൂ​മി​യും ആ​സ്തി​ക​ളും പി​ടി​ച്ചെ​ടു​ക്ക​ൽ തു​ട​രു​ന്ന​ത്.