ബംഗ്ലാദേശിൽ തെരഞ്ഞെടുപ്പ് രാഷ്ട്രീയത്തിലേക്ക് ചുവടുവെച്ച് ആദ്യ ട്രാൻസ്ജെൻഡർ വനിതയും

ധാക്ക: ബം​ഗ്ലാദേശിൻ്റെ തെരഞ്ഞെടുപ്പ് രാഷ്ട്രീയത്തിലേക്കെത്തുന്ന ആദ്യ ട്രാൻസ് വനിതയായി അനോവര ഇസ്‌ലാം റാണി. ബംഗ്ലാദേശിൻ്റെ ചരിത്രത്തിൽ ആദ്യമായാണ് ട്രാൻസ് വ്യക്തി തെരഞ്ഞെടുപ്പിൽ മത്സരിക്കുന്നത്. വടക്കൻ മേഖലയിലെ രംഗ്പൂർ-3 നിയോജക മണ്ഡലത്തിൽ നിന്നായിരിക്കും റാണി മത്സരിക്കുക. റാണിയുടെ സ്ഥാനാർത്ഥിത്വം രാജ്യത്തിന്റെ രാഷ്ട്രീയത്തിലുണ്ടായ വികസനത്തിൻ്റെ ഫലമാണെന്നാണ് ദേശീയ മാധ്യമങ്ങൾ റിപ്പോർട്ട് ചെയ്യുന്നത്.

849 ട്രാൻസ്ജെൻഡർ വോട്ടർമാരാണ് നിലവിൽ രാജ്യത്തുള്ളത്.

അതേസമയം ബം​ഗ്ലാദേശിലെ 12ാമ​ത് പൊ​തു​തെ​ര​ഞ്ഞെ​ടു​പ്പ് ഞാ​യ​റാ​ഴ്ച ന​ട​ക്കാ​നി​രി​ക്കെ, മു​ഖ്യ​പ്ര​തി​പ​ക്ഷ​മാ​യ ബം​ഗ്ലാ​ദേ​ശ് നാ​ഷ​ന​ൽ പാ​ർ​ട്ടി 48 മ​ണി​ക്കൂ​ർ നീ​ണ്ട രാ​ജ്യ​വ്യാ​പ​ക പ​ണി​മു​ട​ക്ക് തു​ട​ങ്ങിയിരുന്നു. ശ​നി​യാ​ഴ്ച രാ​വി​ലെ ആ​റി​ന് ആ​രം​ഭി​ച്ച പ​ണി​മു​ട​ക്ക് തി​ങ്ക​ളാ​ഴ്ച രാ​വി​ലെ ആ​റു​വ​രെ​യാ​ണ്. ഭ​ര​ണ​കൂ​ട​വേ​ട്ട​യി​ൽ പ്ര​തി​ഷേ​ധി​ച്ചും തെ​ര​ഞ്ഞെ​ടു​പ്പ് പ്ര​ക്രി​യ സു​താ​ര്യ​മ​ല്ലെ​ന്ന് ആ​രോ​പി​ച്ചും വോ​ട്ടെ​ടു​പ്പി​ൽ​നി​ന്ന് വി​ട്ടു​നി​ൽ​ക്കു​ക​യാ​ണ് പ്ര​തി​പ​ക്ഷം.

രാജ്യത്ത് ജനാധിപത്യം നിലനിൽക്കുന്നുണ്ടെന്ന് ഉറപ്പാക്കുകയാണ് തന്റെ പാർട്ടിയുടെ ലക്ഷ്യമെന്ന് വ്യക്തമാക്കി ബംഗ്ലാദേശ് പ്രധാനമന്ത്രി ശൈഖ് ഹസീന രം​ഗത്തെത്തിയിരുന്നുതെ​ര​ഞ്ഞെ​ടു​പ്പി​ൽ പ്ര​ധാ​ന​മ​ന്ത്രി ശൈ​​ഖ് ഹ​സീ​ന ന​യി​ക്കു​ന്ന ബം​ഗ്ലാ​ദേ​ശ് അ​വാ​മി ലീ​ഗ് അ​ഞ്ചാം ത​വ​ണ​യും വി​ജ​യി​ക്കു​മെ​ന്ന​ത് ഏ​റ​ക്കു​റെ ഉ​റ​പ്പാ​ണ്. 11.9 കോ​ടി​യാ​ണ് വോ​ട്ട​ർ​മാ​ർ. 42,000 പോ​ളി​ങ് സ്‌​റ്റേ​ഷ​നു​ക​ൾ സ​ജ്ജീ​ക​രി​ച്ചി​ട്ടു​ണ്ട്. 436 സ്വ​ത​ന്ത്ര​രെ കൂ​ടാ​തെ 27 രാ​ഷ്ട്രീ​യ പാ​ർ​ട്ടി​ക​ളി​ൽ​നി​ന്നാ​യി 1500ല​ധി​കം സ്ഥാ​നാ​ർ​ഥി​ക​ളാ​ണ് തെ​ര​ഞ്ഞെ​ടു​പ്പി​ൽ മ​ത്സ​രി​ക്കു​ന്ന​ത്. വോ​ട്ടെ​ടു​പ്പ് ഞാ​യ​റാ​ഴ്ച രാ​വി​ലെ എ​ട്ടി​ന് ആ​രം​ഭി​ച്ച് വൈ​കീ​ട്ട് അ​ഞ്ചി​ന് അ​വ​സാ​നി​ക്കും. ജ​നു​വ​രി എ​ട്ടി​നാ​ണ് വോ​ട്ടെ​ണ്ണ​ൽ.. ബംഗ്ലാദേശിൽ പൊതുതെരഞ്ഞെടുപ്പിനുള്ള വോട്ടെടുപ്പ് ആരംഭിച്ചതിന് പിന്നാലെയാണ് അവരുടെ പ്രതികരണം.