ഇസ്രായേലിൽ മിസൈൽ ആക്രമണം: രണ്ട് വീടുകളും ബസും കത്തി നശിച്ചു

തെൽഅവീവ്: ലെബനാനിൽനിന്ന് തൊടുത്തവിട്ട മിസൈലുകൾ വടക്കൻ ഇസ്രായേലിൽ പതിച്ചതായി ഇസ്രായേലി മാധ്യമങ്ങൾ റിപ്പോർട്ട് ചെയ്തു. ടാങ്ക് വേധ മിസൈലുകൾ പതിച്ച് മെതുലയിൽ രണ്ടു വീടുകൾക്കും ബസിനും തീപിടിച്ചു. ആളപായം സംബന്ധിച്ച വിവരങ്ങൾ ലഭ്യമല്ലെന്ന് ടൈംസ് ഓഫ് ഇസ്രാ​േയൽ പറയുന്നു.

ഇസ്രായേൽ സൈനികർക്കും കർഷകർക്കും നേരെയാണ് ലെബനനിൽ നിന്ന് ആറ് ടാങ്ക് വേധ മിസൈലുകൾ തൊടുത്തുവിട്ടത്.

הפגיעה במטולה הבוקר. שני בתים נפגעו. pic.twitter.com/eVtZVrLk4w

— ישראל היום (@IsraelHayomHeb) June 14, 2024

അതിനി​ടെ വടക്കൻ ഇസ്രായേലിൽ ഇന്നലെ ഇസ്രായേൽ വ്യോമസേനയുടെ (ഐ.എ.എഫ്) ഡ്രോൺ തകർന്നുവീണു. സാങ്കേതിക തകരാറാണ് കാരണമെന്നും അപകടത്തെക്കുറിച്ച് വിശദമായി അന്വേഷിക്കുന്നുണ്ടെന്നും ഐ.എ.എഫ് അറിയിച്ചു.

വടക്കൻ ഇസ്രായേലിലെ ജെസ്രീൽ വാലി മേഖലയിലാണ് ആളില്ലാ വിമാനം പറക്കുന്നതിനിടെ തകർന്നുവീണത്. ഇതിന്റെ അവശിഷ്ടങ്ങൾ സൈന്യം ശേഖരിച്ചിട്ടുണ്ട്.