അലപ്പോയില്‍ നിന്ന് 40,000 പേര്‍ പലായനം ചെയ്തു

ബൈറൂത്: അലപ്പോയില്‍ സിറിയന്‍സൈന്യം പിടിച്ചെടുത്ത മേഖലയില്‍നിന്ന് മറ്റു ഭാഗങ്ങളിലേക്ക് 40,000ത്തോളം സിറിയന്‍ അഭയാര്‍ഥികള്‍ പലായനം ചെയ്തതായി സിറിയന്‍ മനുഷ്യാവകാശസംഘം. കുര്‍ദിശ് നഗരമായ അഫ്റിന്‍ ഉള്‍പ്പെടെയുള്ള ഭാഗത്തുകൂടി വിവിധ സംഘങ്ങളായാണ് അഭയാര്‍ഥികള്‍ പലായനം ചെയ്യുന്നതെന്ന് നിരീക്ഷകസംഘം പറഞ്ഞു.  നിലവില്‍ അടച്ചിട്ടുള്ള തുര്‍ക്കി അതിര്‍ത്തിപ്രദേശത്തുകൂടിയടക്കം നിരവധി അഭയാര്‍ഥികള്‍ എത്തിയതായി മനുഷ്യാവകാശസംഘം ഡയറക്ടര്‍ റാമി അബ്ദുറഹ്മാന്‍ പറഞ്ഞു.