സുക്കര്‍ബര്‍ഗ് ലോകസമ്പന്നരില്‍ ആറാമന്‍

ന്യൂഡല്‍ഹി: ഒറ്റദിവസംകൊണ്ട് ഫേസ്ബുക് സി.ഇ.ഒ മാര്‍ക് സുക്കര്‍ബര്‍ഗിന്‍െറ ആസ്തിയില്‍ 40,000 കോടിയുടെ വര്‍ധന. ഇതോടെ എണ്ണഭീമന്മാരായ ചാള്‍സിനെയും ഡേവിഡ് കോച്ചിനെയും മറികടന്ന് സുക്കര്‍ബര്‍ഗ് ലോകസമ്പന്നരില്‍ ആറാമതത്തെി. കഴിഞ്ഞവര്‍ഷം നാലാം പാദത്തില്‍ ലാഭത്തില്‍ 52 ശതമാനം വര്‍ധനയുണ്ടായതായ പ്രഖ്യാപനത്തിനു പിന്നാലെ ഫേസ്ബുക്കിന്‍െറ ഓഹരിമൂല്യം വര്‍ധിച്ചതാണ് അദ്ദേഹത്തിന്‍െറ ആസ്തി കുത്തനെ കൂടാന്‍ കാരണമായത്. മൈക്രോസോഫ്റ്റ് സ്ഥാപകന്‍ ബില്‍ഗേറ്റ്സ്, അമാന്‍സിയോ ഒര്‍ട്ടേഗ, വാരന്‍ ബുഫറ്റ്, ആമസോണ്‍ ഉടമ ജഫ് ബെസോസ് തുടങ്ങിയവരാണ് 31കാരനായ സുക്കര്‍ബര്‍ഗിന് മുന്നിലുള്ള മറ്റു സമ്പന്നര്‍.