കാബൂളിൽ സ്​ഫോടനം; 26 മരണം

കാബൂൾ: അഫ്​ഗാനിസ്​ഥാൻ തലസ്​ഥാനമായ കാബൂളിലുണ്ടായ​ സ്​ഫോടനത്തിൽ 26 പേർ കൊല്ലപ്പെട്ടു. 18 പേർക്ക്​ പരിക്കേറ്റു. ​പേർഷ്യൻ പുതുവർഷം ആഘോഷിക്കുന്നതിനിടെയാണ്​ സ്​ഫോടനം നടന്നത്​. കാബൂളിലെ സർവകലാശാലക്കും കാർ​െട്ട സഖി ആരാധനാലയത്തിനും സമീപത്തായി ചാവേർ പൊട്ടിത്തെറിക്കുകയായിരുന്നു. ​ 

കാർ​െട്ട സഖി ആരാധനാലയം നിരവധി തവണ ആക്രമണത്തിൽ പെട്ടിട്ടുണ്ട്​. ജനുവരിയിൽ 100പേർ കൊല്ലപ്പെട്ട ആക്രമണത്തിനു ശേഷം തലസ്​ഥാന നഗരിയുടെ സുരക്ഷ വർധിപ്പിക്കുമെന്ന്​ സർക്കാർ വാഗ്​ദാനം നൽകിയിരുന്നെങ്കിലും അതിനിടെയാണ്​ വീണ്ടും ആക്രമണമുണ്ടായത്​. 

ആരാധനാലയത്തിൽ നിന്ന്​ സിറ്റിയിലെ പ്രധാന സർവകലാശാലയിലേക്ക്​ നടക്കുന്ന ആളുകൾക്കിടയിലാണ്​ സ്​ഫോടനമുണ്ടായത്​. പ്രാചീന പേർഷ്യൻ പുതുവത്​സരാഘോഷമായ ‘നവ്​റുസി’നിടെയാണ്​ സ്​ഫോടനം. വസന്തകാലത്തി​​​െൻറ ആരംഭമാണ്​ നവ്​റുസ്​. അഫ്​ഗാനിസ്​ഥാനിൽ വ്യാപകമായി കൊണ്ടാടുന്ന ആ​േഘാഷമാണിത്​. എന്നാൽ ഇത്​ അനിസ്​ലാമികമാണെന്നാണ്​ മതമൗലികവാദികളുടെ പക്ഷം.