ആൻഡമാനിൽ അമ്പേറ്റ് കൊല്ലപ്പെട്ട യു.എസ്​ പൗര​െൻറ കത്ത്​ പുറത്ത്​

പോർട്ട് ബ്ലെയർ: ആൻഡമാൻ ദ്വീപ സമൂഹത്തിൽ അമ്പേറ്റ് കൊല്ലപ്പെട്ട അമേരിക്കൻ പൗരൻ മരിക്കുന്നതിനു മുമ്പ്​ മാതാപിതാക്കൾക്ക്​ അയച്ച കത്ത്​ പുറത്ത്​. ജോൺ അല്ലൻ ചൗ(26) എന്നയാളാണ് നോർത്ത്​ സ​​​​െൻറിനൽ ദ്വീപിലെ പ്രാകൃത വർഗക്കാരുടെ അമ്പേറ്റ്​ കൊല്ല​െപ്പട്ടത്. ഇയാളുടെ മൃതദേഹം ഇതുവരെ കണ്ടെത്താനായിട്ടില്ല.

താൻ കൊല്ലപ്പെടുകയാണെങ്കിൽ തന്നോടോ ദൈവത്തിനോടോ ദേഷ്യപ്പെടരുതെന്ന്​ ചൗ നവംബർ 16ന്​ എഴുതിയ കത്തിലൂടെ ആവശ്യപ്പെടുന്നു. ‘‘എനിക്ക്​ ഭ്രാന്താണെന്ന്​ നിങ്ങൾ ചിന്തിച്ചേക്കാം. എന്നാൽ ജീസസിനെ കുറിച്ച്​ ഇൗ ആളുകളോട്​ പറയേണ്ടത്​ പ്രധാനമാണെന്നാണ്​​ ഞാൻ കരുതുന്നത്​. അതിനാൽ ഞാൻ കൊല്ലപ്പെടുകയാണെങ്കിൽ എ​ന്നോടോ ദൈവത്തിനോടോ ദേഷ്യപ്പെടരുത്​.’’ ചൗ കുറിച്ചു.

ഇൗ ആദിവാസികളുടെ അനശ്വരമായ ജീവിതം ത​​​​​െൻറ കൈകളിലാണെന്നും അവർ അവരുടെ ഭാഷയിൽ ആരാധന നടത്തുന്ന കാഴ്​ചക്കായി തനിക്ക്​​ കാത്തിരിക്കാൻ വയ്യെന്നും ചൗ കത്തിൽ പറയുന്നു.

മത്സ്യത്തൊഴിലാളികൾക്ക്​ പണം നൽകി അവരുടെ സഹായത്തോടെയാണ് ബോട്ടിൽ ത​​​​​െൻറ ചെറു തോണിയുമായി നവംബർ15ന്​​ ജോൺ അല്ലൻ ചൗ ദ്വീപിലെത്തുന്നത്​. തോണി തുഴഞ്ഞ്​ ദ്വീപിലെത്തിയതോടെ ചൗവിന്​ നേരെ ദ്വീപിലെ പ്രാകൃത വർഗക്കാർ അമ്പെയ്തെങ്കിലും ദേഹത്ത്​ കൊള്ളാതെ രക്ഷപ്പെട്ടു. ത​​​​​െൻറ തോണിക്ക്​ കേടുപാടുകൾ പറ്റിയെങ്കിലും ചൗ സുരക്ഷിതനായി നീന്തി അൽപം അകലെയായി കാത്തു നിന്ന ബോട്ടിലേക്കു തന്നെ തിരിച്ചെത്തി.

തുടർന്നാണ്​ ഇയാൾ രക്ഷിതാക്കൾക്ക്​ കത്തെഴുതിയത്​. അത്​ മത്സ്യത്തൊഴിലാളികളെ ഏൽപിച്ച്​ അന്നു രാത്രി ബോട്ടിൽ കഴിച്ചു കൂട്ടി. തൊട്ടടുത്ത ദിവസം വീണ്ടും ദ്വീപിലേക്കു തിരിച്ചെങ്കിലും പിന്നീട്​ തങ്ങൾ കണ്ടത്​ കടൽതീരത്തു കൂടി ദ്വീപിലെ ആദിവാസികൾ യുവാവി​​​​​െൻറ മൃതദേഹം വലിച്ചിഴച്ചു കൊണ്ടു പോകുന്നതാണെന്ന്​ മത്സ്യത്തൊഴിലാളികൾ പറഞ്ഞു.

അതേസമയം, ജോൺ അല്ലൻ ചൗവി​​​​​െൻറ മരണത്തിനു കാരണക്കാരായവരോട്​ തങ്ങൾ ക്ഷമിച്ചതായി അദ്ദേഹത്തി​​​​​െൻറ കുടുംബം ചൗവി​​​​​െൻറ ഇൻസ്​റ്റാഗ്രാം അക്കൗണ്ടിലൂടെ അറിയിച്ചു. മരണത്തെ തുടർന്ന്​ പൊലീസ്​ അറസ്​റ്റ്​ ചെയ്​ത ഏഴു മത്സ്യത്തൊഴിലാളികളെ വിട്ടയക്കണമെന്നും കുടുംബം ആവശ്യപ്പെട്ടു.