ജനിച്ച്​ 30 മണിക്കൂറിനുള്ളിൽ പിഞ്ചുകുഞ്ഞിനും കൊറോണ

ബെയ്​ജിങ്​: ജനിച്ച്​ 30 മണിക്ക​ൂർ മാത്രം പ്രായമായ പിഞ്ചുകുഞ്ഞിന്​ ചൈനയിൽ കൊറോണ വൈറസ് ബാധ ​സ്​ഥിരീകരിച്ചു. ച ൈനീസ് സർക്കാർ മാധ്യമങ്ങളാണ്​ വാർത്ത പുറത്തുവിട്ടത്​. കൊറോണ വൈറസ് ബാധ ചൈനയിൽ പടർന്ന്​ പിടിക്കുന്ന സാഹചര്യത്തിൽ പിഞ്ചുകുഞ്ഞിന്​ വൈറസ്​ ബാധ സ്​ഥിരീകരിക്കുന്നത്​ ആദ്യമായാണ്​.

പ്രസവത്തിന്​ മുമ്പ്​ കുഞ്ഞിൻെറ അമ്മക്ക്​ കൊറോണ വൈറസ്​ ബാധ സ്​ഥിരീകരിച്ചിരുന്നു. ഗർഭകാലത്തോ, ജനനസമയത്തോ, ജനിച്ചയുടനെയോ ആവാം കുഞ്ഞിനെ വൈറസ് ബാധിച്ചതെന്ന്​ ആരോഗ്യ വിദഗ്​ധർ പറയുന്നു. എന്നാൽ, കൊറോണ ബാധിതയായ മറ്റൊരു സ്ത്രീ പ്രസവിച്ച കുഞ്ഞിനെ ​വൈറസ്​ ബാധിച്ചിരുന്നില്ലെന്ന്​ കഴിഞ്ഞാഴ്​ച ചൈനയുടെ ഔദ്യോഗിക വാർത്ത ഏജൻസിയായ സിൻഹുവ റിപ്പോർട്ട്​ ചെയ്​തിരുന്നു.