ട്രംപി​െൻറ മധ്യസ്ഥതാ വാഗ്​ദാനം നിരസിച്ച്​ ചൈനയും; ​ചർച്ചകളിലൂടെ പ്രശ്​നം പരിഹരിക്കും

ബെയ്​ജിങ്​: ഇന്ത്യ-ചൈന അതിർത്തി തർക്കത്തിൽ ട്രംപി​​​​െൻറ മധ്യസ്ഥതാ വാഗ്​ദാനം നിരസിച്ച്​ ചൈനയും. ചർച്ചകളിലൂടെ ഇരു രാജ്യങ്ങളും തമ്മിലുള്ള പ്രശ്​നങ്ങൾ പരിഹരിക്കുമെന്ന്​ ചൈന വ്യക്​തമാക്കി. നേരത്തെ ഇന്ത്യയും സമാനനിലപാട്​ സ്വീകരിച്ചിരുന്നു. ചൈനീസ്​ വിദേശകാര്യവക്​താവാണ്​ ഇക്കാര്യം അറിയിച്ചത്​.

കഴിഞ്ഞ തവണയും അതിർത്തി തർക്കമുണ്ടായപ്പോൾ ചെന്നൈയിലും വുഹാനിലും നടത്തിയ ചർച്ചകളിലൂടെയാണ്​ അത്​ പരിഹരിച്ചത്​. ഇരു രാജ്യങ്ങളും യു.എസിനെ കരുതിയിരിക്കണമെന്നും ചൈന മുന്നറിയിപ്പ്​ നൽകുന്നു. മേഖലയിലെ സമാധാനം ഇല്ലാതാക്കാനാണ്​ യു.എസ്​ ശ്രമമെന്നും ചൈന കുറ്റപ്പെടുത്തി.