ചൈനയിൽ ശക്തമായ ഭൂചലനം; എട്ടു മരണം

ബെയ്​ജിങ്​: ചൈനയിലെ ഷിൻജിയാങ്​ മേഖലയിലുണ്ടായ ഭൂചലനത്തിൽ എട്ടു പേർ ​മരിച്ചു. 25 ഒാളം പേർക്ക്​ പരിക്കേറ്റു. വ്യാഴാഴ്​ച പുലർച്ചെയാണ് റിക്​ടർ സ്​കെയിലിൽ  5.5 തീവ്രത രേഖപ്പെടുത്തിയ ഭൂകമ്പമുണ്ടായത്​.

പാമിർ പീഠഭൂമിക്ക് തെക്ക്കിഴക്ക്​ 8കിലോമീറ്റർ ആഴത്തിലാണ്​ ഭൂകമ്പത്തി​​​െൻറ പ്രഭവകേന്ദ്രമെന്ന്​ ജിയോളജിക്കൽ സർവെ റിപ്പോർട്ട്​ ചെയ്​തു. ഭൂകമ്പം ശക്തമായി അനുഭവപ്പെട്ട താക്സ്കോർഗാനിൽ നിന്നും 9,200 പേരെ സുരക്ഷിത സ്ഥലങ്ങളിലേക്ക്​ മാറ്റി.
ഭൂകമ്പത്തിൽ 180 ഒാളം വീടുകൾ തകർന്നു. നിരവധി കെട്ടിടങ്ങൾ തകരുകയും റോഡുകൾക്ക്​ കേടുപാടു സംഭവിക്കുകയും ചെയ്​തിട്ടുണ്ട്​.

ഷിൻജിയാങിലുണ്ടായ ഭൂകമ്പത്തി​​​െൻറ തുടർ ചലനങ്ങൾ അയൽപ്രദേശങ്ങളായ അഫ്​ഗാനിസ്​താനിലും പാകിസ്​താനിലും അനുഭവപ്പെട്ടിട്ടുണ്ട്​.