അഴിമതിക്കായി ശരീഫ്​ പുതിയ നിയമങ്ങൾ നിർമിച്ചതായി ആരോപണം

ഇസ്​ലാമാബാദ്​: അനധികൃതമായി സ്വത്ത്​ സമ്പാദിക്കാൻ പാകിസ്​താൻ മുൻ പ്രധാനമന്ത്രി നവാസ്​ ശരീഫ്​ 1990കളിൽ അധികാരത്തിലിരിക്കെ, പുതിയ നിയമനിർമാണം നടത്തിയതായി ആരോപണം. പ്രധാനമന്ത്രി ഇംറാൻ ഖാ​​െൻറ പ്രത്യേക സഹായി ഷഹസാദ്​ അക്​ബർ ആണ്​ ആരോപണവുമായി രംഗത്തുവന്നത്​.

അഴിമതിയിലൂടെയാണ്​​ ശരീഫി​​െൻറ കുടുംബം ധനികരായതെന്ന്​ മർയം നവാസി​​െൻറ അക്കൗണ്ടിലേക്ക്​ ടെലിഗ്രാഫിക്​ ആപ്​ വഴി കൈമാറ്റം ചെയ്​ത 1.7 കോടി രൂപയുടെ വിവരങ്ങൾ പുറത്തുവിട്ട്​ അക്​ബർ പറഞ്ഞു. ഇപ്പോഴും ഇതേ രീതിയിൽ പണം കൈമാറൽ നടക്കുന്നുണ്ട്​. ശരീഫി​​െൻറ അനന്തരവൻ സൽമാൻ ശഹബാസി​​െൻറ അക്കൗണ്ടിലേക്കും ഇതേ രീതിയിൽ പണം കൈമാറ്റം ചെയ്​തിട്ടുണ്ട്​. ശഹബാസി​​െൻറ സമ്പത്തി​​െൻറ 90 ശതമാനവും ഇത്തരത്തിൽ കൈമാറിക്കിട്ടിയ പണമാണെന്നും അക്​ബർ ആരോപിച്ചു.

പാകിസ്​താനിൽനിന്ന്​ അനധികൃതമായി പണം സമ്പാദിക്കാനും അത്​ വിദേശത്തേക്കു കടത്താനും സഹായിക്കുന്ന രീതിയിലേക്കാണ്​ ശരീഫ്​ നിയമങ്ങൾ നടപ്പാക്കിയത്​. 2016ൽ പാനമ പേപ്പേഴ്​സ്​ അഴിമതിക്കേസിൽ പേരു പുറത്തുവിടുന്നതു വരെ ശരീഫി​​െൻറ കുടുംബം പിടിക്കപ്പെട്ടില്ല. ഇതി​​െൻറ വിശദവിവരങ്ങൾ അഴിമതിവിരുദ്ധ കോടതിക്ക്​ കൈമാറുമെന്നും അക്​ബർ വ്യക്തമാക്കി.