പാകിസ്‌താനിലെ ബഹവാൽനഗറിൽ സ്കൂളിനു നേരെ ഭീകരാക്രമണം

റാവൽപിണ്ടി: പാക്കിസ്‌ഥാനിലെ ബഹവാൽനഗറിലെ സ്കൂളിനിനേരെ ഭീകരാക്രമണം. ആയുധധാരികളായ രണ്ടു പേർ സ്കൂളിനുനേരെ ശക്‌തമായ വെടിവയ്പ്പ് നടത്തിയതായി പാക് മാധ്യമങ്ങൽ റിപ്പോർട്ട് ചെയ്തു.

ഹരൂനാബാദിലെ ഒരു സ്വകാര്യ സ്കൂളിനു നേരെയാണ് ആക്രമണം ഉണ്ടായത്. ആക്രമണത്തിൽ ആർക്കും ജീവഹാനിയോ പരിക്കുകളോ ഉള്ളതായി റിപ്പോർട്ടുകളില്ല. സ്​കൂളിലെ കുട്ടികളെ സുരക്ഷിതമായി മറ്റൊരു സ്​ഥലത്തേക്ക്​ മാറ്റി പാർപ്പിച്ചിട്ടുണ്ട്​. കഴിഞ്ഞ വർഷം ക്വെറ്റയിൽ സൈനിക സ്കൂളിനുനേരെ ഉണ്ടായ ഭീകരാക്രമണത്തിൽ നൂറിലധികം വിദ്യാർഥികൾ ഉൾപ്പെടെ 165 പേർ കൊല്ലപ്പെട്ടിരുന്നു.