ഹാഫിസ്​ സഇൗദി​െൻറ  തഹ്​രീകെ ആസാദി  പാകിസ്താൻ നിരോധിച്ചു

ഇസ്​ലാമാബാദ്​: മുംബൈ ഭീകരാക്രമണത്തിലെ മുഖ്യ സൂ​​ത്രധാരനെന്ന്​ കരുതുന്ന ഹാഫിസ്​ സഇൗദി​​​െൻറ ​തീവ്രവാദ സംഘടനയായ ‘തഹ്​രീകെ ആസാദി ജമ്മു^കശ്​മീരി’നെ പാകിസ്​താൻ നിരോധിച്ചു. ജമാഅത്തുദ്ദഅ്​വയുടെ പോഷക സംഘടനയായ തഹ്​രീകെ ആസാദിയെ ജൂൺ എട്ടു മുതൽ നിരോധിത പട്ടികയിൽ ഉൾ​പ്പെടുത്തിയതായി പാകിസ്താൻസ്​ നാഷനൽ കൗണ്ടർ ടെററിസം അതോറിറ്റി അവരുടെ വെബ്​സൈറ്റ്​ പുറത്തുവിട്ടു. 

ജനുവരി അവസാനം പാകിസ്​താൻ സഇൗദിനെ വീട്ടുതടങ്കലിൽ ആക്കിയിരുന്നു. ജമാഅത്തുദ്ദഅ്​വ  നിരീക്ഷണത്തിലുമായിരുന്നു.  അമേരിക്കൻ പ്രസിഡൻറ്​ ഡോണൾഡ്​ ട്രംപ്​ തങ്ങൾക്കെതിരെ നിലപാട്​ കടുപ്പിച്ചതി​​​െൻറ സമ്മർദത്തിലാണ്​ പാക്​ നടപടിയെന്ന്​ റിപ്പോർട്ടുകൾ സൂചിപ്പിക്കുന്നു. ഇൗ ആഴ്​ച പുറത്തുവന്ന ഇന്തോ^ പാക്​ സംയുക്​ത പ്രസ്​താവനയും പാകിസ്​താനെ നിരാശ​പ്പെടുത്തുന്നതായിരുന്നു. 

വിവിധ രാജ്യങ്ങളുടെ സർക്കാറുകൾ ഉൾപ്പെടുന്ന ‘ഫിനാൻഷ്യൽ ആക്​ഷൻ ​ടാസ്​ക്​ ഫോഴ്​സി​’​​െൻറ (എഫ്​.എ.ടി.എഫ്​) കരിമ്പട്ടിക പുതുക്കുന്നതി​​​െൻറ തൊട്ടുമുമ്പാണ്​ നിരോധനം നിലവിൽവന്നത്​. കൂടുതൽ പ്രശ്​നകാരിയായതും സഹകരണ മനോഭാവമില്ലാത്തതുമായ ഭരണകൂടങ്ങളെ ഉൾക്കൊള്ളിച്ചായിരിക്കും എഫ്​.എ.ടി.എഫി​​​െൻറ പുതിയ പട്ടിക.  ജമാഅത്തുദ്ദഅ്​വക്കെതിരെ നടപടിയുണ്ടായില്ലെങ്കിൽ യു.എസി​​​െൻറ നേതൃത്വത്തിലുള്ള അന്തർദേശീയ ഉപരോധം ഭയന്നാണ്​ പാകിസ്​താ​​​െൻറ ഇൗ നീക്കമെന്നാണ്​ വിലയിരുത്തൽ. 
സംശയകരമായി പ്രവർത്തിക്കുന്ന അയ്യായിരത്തോളം തീവ്രവാദ സംഘടനകളുടെ ആസ്​തി ഇൗ മാസം ആദ്യം പാകിസ്​താൻ മരവിപ്പിച്ചിരുന്നു.