ഇന്തോനേഷ്യയിൽ ഭൂചലനം; 14 മരണം

ജകാർത്ത: ഇന്തോനേഷ്യയിലെ പ്രശസ്ത ടൂറിസ്​റ്റ്​ കേന്ദ്രമായ ലാംബാക്ക് ദ്വീപിലുണ്ടായ കനത്ത ഭൂചലനത്തിൽ 14 പേർ മരിച്ചു. 160ലധികം ആളു​കൾക്ക്​ പരിക്കേറ്റു. റിക്ടർ സ്കെയിലിൽ 6.4 തീവ്രത രേഖപ്പെടുത്തിയ ഭൂചലനത്തി​​​െൻറ വ്യാപ്​തി ഏഴു​ കിലോമീറ്ററായിരുന്നു. ലാംബാക്ക് ദ്വീപി​​​െൻറ വടക്കുള്ള മത്താരം നഗരത്തി​​​െൻറ 50 കി.മീ. വടക്കുകിഴക്ക് ഭാഗമാണ്​ പ്രഭവകേന്ദ്രം. ഗുരുതരമായി പരിക്കേറ്റ 67 പേരെ ആശുപത്രിയിൽ പ്രവേശിപ്പിച്ചു. മരിച്ചവരിൽ മലേഷ്യൻ പൗരയായ വിനോദസഞ്ചാരിയും ഉൾപ്പെടുന്നു.

കോൺക്രീറ്റ്​ കെട്ടിടത്തി​​​െൻറ മേൽക്കൂര ദേഹത്ത്​ പതിച്ചാണ്​ ഭൂരിപക്ഷം പേരും മരിച്ചത്​. ഞായറാഴ്​ച രാവിലെ 6.47ന്​ ഏവരും ഉറങ്ങുന്ന സമയമായിരുന്നു ഭൂചലനമെന്നത്​ അപകടത്തി​​​െൻറ തീവ്രത വർധിപ്പിച്ചു. അപകടം നടന്ന പ്രദേശത്ത്​ വൈദ്യുതിബന്ധം പൂർണമായും വിച്ഛേദിച്ചിട്ടുണ്ട്​. പരിഭ്രാന്തരായ ജനങ്ങൾ വീട്​, ഹോട്ടൽ എന്നിവിടങ്ങളിൽനിന്ന്​ പുറത്തേക്ക്​ ഒാടുകയായിരുന്നു. തുറസ്സായ സ്ഥലങ്ങളിലേക്ക് ഓടിമാറിയാണു പലരും രക്ഷപ്പെട്ടത്. നീന്തൽക്കുളത്തിൽ തിരമാല കണക്കെ വെള്ളം ഉയർന്നതായി ദൃക്​സാക്ഷികൾ പറഞ്ഞു.

എന്നിരുന്നാലും സുനാമി സാധ്യത റിപ്പോർട്ട്​ ചെയ്​തിട്ടില്ല. 20-30 സെക്കൻഡ് സമയം ഭൂചലനം തുടർന്നു. ആരംഭത്തിൽ 6.4 രേഖപ്പെടുത്തിയ ഭൂചലനത്തിനു പിന്നാലെ 66 ചെറുപ്രകമ്പനങ്ങളുമുണ്ടായി. ഇതിൽ 5.7 തീവ്രത രേഖപ്പെടുത്തിയവയുമുണ്ട്​. പ്രകമ്പനം തൊട്ടടുത്ത്​ സ്​ഥിതിചെയ്യുന്ന ലോകപ്രശസ്​ത വിനോദസഞ്ചാര കേന്ദ്രമായ ബാലി ദ്വീപിലും എത്തി. അപകടത്തി​​​െൻറ പശ്ചാത്തലത്തിൽ ലാംബാക്കിലെ മൗണ്ട് റിൻജാനി ദേശീയോദ്യാനം അടച്ചു. മണ്ണിടിച്ചിലിനു സാധ്യതയുള്ളതിനാൽ റിൻജാനി പർവതത്തിനു മുകളിലേക്കുള്ള ട്രക്കിങ്ങും താൽക്കാലികമായി നിർത്തിവെച്ചു.