ഇറാൻ തെരഞ്ഞെടുപ്പ്​: ഹസൻ റുഹാനി മുന്നിൽ

തെഹ്​റാൻ: ഇറാ​​​​െൻറ ഭാവി നിശ്​ചയിക്കുന്ന പ്രസിഡൻറ്​ തെരഞ്ഞെടുപ്പിൽ ഹസൻ റുഹാനിക്ക്​ നിർണായക ലീഡ്​. ഇതു​വരെ എണ്ണി തീർന്ന 25.9 മില്യൺ വോട്ടുകളിൽ 14.6 മില്യൺ വോട്ടുകളും റുഹാനി നേടിയെന്ന്​ ഇറാനിലെ തെരഞ്ഞെടുപ്പ്​ കമ്മറ്റി തലവൻ അലി അസ്​ഗർ അഹമദ്​ അറിയിച്ചു. റുഹാനിയുടെ മുഖ്യ എതിരാളിയായ ഇ​ബ്രാ​ഹീം റ​ഇൗ​സി​ക്ക്​ 10.1 മില്യൺ വോട്ടുകൾ ലഭിച്ചു.

വെള്ളിയാഴ്​ചയാണ്​ ഇറാനിൽ വോ​െട്ടടുപ്പ്​ നടന്നത്​. ​ആകെയുള്ള 56 മില്യൺ വോട്ടർമാരിൽ 40 മില്യൺ ആളുകൾ വോട്ട്​ രേഖപ്പെടുത്തിയിരുന്നു. ശനിയാഴ്​ച ഉച്ചയോടെ പൂർണമായ ഫലങ്ങൾ പുറത്തുവരും.

ഇറാനിനെ ലോകത്തിന്​ മുന്നിൽ തുറന്നിടുന്ന നയമാണ്​ റുഹാനി പിന്തുടരുന്നത്​. സാമ്പത്തിക മേഖലയുടെ പുനർ നിർമാണവും അദ്ദേഹത്തി​​​​െൻറ ലക്ഷ്യമാണ്​. തെരഞ്ഞെടുപ്പിൽ റുഹാനിക്ക്​ ലഭിക്കുന്ന വിജയം ഇൗ രീതിയിലുള്ള റുഹാനിയുടെ പ്രവർത്തനങ്ങൾക്ക്​ ആക്കം കൂട്ടും.