ഫിലിപ്പീൻസിൽ കാർബോംബ്​ സ്​ഫോടനത്തിൽ പത്തുപേർ കൊല്ലപ്പെട്ടു 

മനില: തെക്കൻ ഫിലിപ്പീൻസിലിലെ ബാസിനിലുണ്ടായ കാർ ബോംബ്​ സ്​ഫോടനത്തിൽ 10 പേർ കൊല്ലപ്പെട്ടു. സംഭവത്തിൽ നിരവധി പേർക്ക്​ പരിക്കേറ്റു. മരിച്ചവരിൽ അഞ്ചുപേർ സൈനികരാണ്​. കൊല്ലപ്പെട്ടവരിൽ പത്തുവയസുള്ള കുട്ടിയും സ്​ത്രീയും ഉൾപ്പെടുന്നു. 

ലാമിറ്റൻ നഗരത്തിൽ കൊളോനിയ ഗ്രാമത്തിൽ പുലർച്ചെ 5.50 ഒാടെയാണ്​ സ്​ഫോടനമുണ്ടായത്​. സൈനിക ചെക്ക്​പോസ്​റ്റിനു നേരെയായിരുന്നു ആക്രമണം. 
സൈനികർ പതിവ്​ പരിശോധന നടത്തുന്നതിനിടെയാണ്​ എത്തിയ കാർ ചെക്ക്​പോസ്​റ്റിനടുത്ത്​ പൊട്ടിത്തെറിക്കുകയായിരുന്നു. 
പരിക്കേറ്റവരെ സമീപത്തുള്ള സൈനിക ആശുപത്രിയിൽ പ്രവേശിപ്പിച്ചു.