ഒമ്പതുവർഷത്തിന് ശേഷം ലബനാൻ ജനത പോളിങ്​ബൂത്തിലെത്തി

ബൈറൂത്​: ഒമ്പതുവർഷത്തെ രാഷ്​ട്രീയ അനിശ്ചിതത്വത്തിനു ശേഷം പാർലമ​​െൻറ്​ തെരഞ്ഞെടുപ്പിനായി ലബനാൻ ജനത പോളിങ്​ബൂത്തിലെത്തി. 128 അംഗ പാർലമ​​െൻറ്​ സീറ്റിലേക്ക്​ 583 സ്​ഥാനാർഥികളാണ്​ മത്സരിക്കുന്നത്​. രാജ്യത്തെ തെരഞ്ഞെടുപ്പ്​ സ​മ്പ്രദായത്തിലും മാറ്റങ്ങൾ വരുത്തിയിട്ടുണ്ട്​. ഇതനുസരിച്ച്​ വോട്ടർമാർക്ക്​ രണ്ടു വോട്ടുകൾ രേഖപ്പെടുത്താം.

ജില്ലകളുടെ എണ്ണം കുറച്ച്​ ആനുപാതിക വോ​െട്ടടുപ്പ്​ സ​മ്പ്രദായമാണ്​ ആവിഷ്​കരിച്ചിട്ടുള്ളത്​. ക്രിസ്​ത്യൻ വിഭാഗങ്ങൾക്കായി പകുതിസീറ്റ്​ മാറ്റിവെച്ചിട്ടുണ്ട്​. പ്രസിഡൻറ്​, പ്രധാനമന്ത്രി, സ്​പീക്കർ എന്നീ പദവികളിലേക്ക്​ വ്യത്യസ്​ത മതവിഭാഗക്കാരെയാണ്​ നോമിനേറ്റ്​ ചെയ്യുന്നത്​. അഭയാർഥികളുടെ രാജ്യം കൂടിയാണ്​ ലബനാൻ. കൊല്ലപ്പെട്ട പ്രധാനമന്ത്രി റഫീഖ്​ ഹരീരി സ്​ഥാപിച്ച ഫ്യൂച്ചർ മൂവ്​മ​​െൻറ്​, ക്രിസ്​ത്യൻ വിഭാഗത്തി​​​െൻറ പാട്രിയോട്ടിക്​ മൂവ്​മ​​െൻറ്​, ഹിസ്​ബുല്ല, പ്രോഗ്രസിവ്​ സോഷ്യലിസ്​റ്റ്​  പാർട്ടി, അർമീനിയൻ റെവലൂഷനറി ഫെഡറേഷൻ, അമാൽ മൂവ്​മ​​െൻറ്​ എന്നിവയാണ്​ പ്രധാന കക്ഷികൾ. 

​ 38 ലക്ഷം വോട്ടർമാരാണുള്ളത്​. അതിൽ ഏഴുലക്ഷം പേർ പുതിയ വോട്ടർമാരാണ്​. 6800 പോളിങ് ​സ്​റ്റേഷനുകളാണ്​ ഇവർക്കായി ക്രമീകരിച്ചിരിക്കുന്നത്​. സുരക്ഷക്കായി ശനിയാഴ്​ച മുതൽ രാജ്യത്തുടനീളം സൈന്യത്തെ വിന്യസിച്ചിട്ടുണ്ട്​. രാഷ്​ട്രീയ അനിശ്ചിതത്വം മൂലം ലബനാനിൽ രണ്ടു വർഷം പ്രസിഡൻറ്​ തെരഞ്ഞെടുപ്പ്​ നടന്നിട്ടില്ല. പാർലമ​​െൻറ്​ കാലാവധി നീട്ടുകയായിരുന്നു. പ്രവാസികൾക്കും ഇക്കുറി വോട്ടവകാശമുണ്ട്​. അവർ നേരത്തേ വോട്ട്​ രേഖപ്പെടുത്തിക്കഴിഞ്ഞു.

പാർലമ​​െൻറിൽ പ്രാതിനിധ്യം ഉറപ്പിക്കാനുള്ള ശ്രമത്തിലാണ്​ ഹിസ്​ബുല്ല. സൗദി, ഇൗജിപ്​ത്​, യു.എ.ഇ, കുവൈത്ത്​, ഖത്തർ, ഒമാൻ എന്നീ രാജ്യങ്ങളിലാണ്​ പ്രവാസി വോട്ടർമാരുള്ളത്​. 2016 ഡിസംബറിലാണ്​ നിലവിലെ സർക്കാർ രൂപവത്​കരിച്ചത്​. അഴിമതി, താറുമാറായ സാമ്പത്തികനില, വൈദ്യുതിക്ഷാമം എന്നിവയാണ്​ രാജ്യം നേരിടുന്ന പ്രധാന പ്രതിസന്ധികൾ. ഇസ്രായേലി​​​െൻറ ആക്രമണത്തിലും 1975 മുതൽ 1990 വരെ നീണ്ട ആഭ്യന്തരയുദ്ധത്തിലുമാണ്​ താപ വൈദ്യുതി നിലയങ്ങൾ തകർന്നത്​. വൈദ്യുതിക്ഷാമം രൂക്ഷമായതിനാൽ ഗ്രാമങ്ങളിലും നഗരങ്ങളിലും വെള്ളമെത്തിക്കാൻ സാധിക്കാറില്ല.