മാ​ല​ദ്വീ​പ്​ തെ​ര​ഞ്ഞെ​ടു​പ്പ്​: ചുവടുറപ്പിച്ച്​ യമീൻ

മാ​ലെ: ദ്വീപ്​രാഷ്​ട്രമായ മാലദ്വീപിൽ 260,000 വോട്ടർമാർ ഇന്ന്​ വിധി നിർണയിക്കും. ജ​നാ​ധി​പ​ത്യ​ത്തെ ക​ശാ​പ്പു​ചെ​യ്​​ത്​ ഏ​കാ​ധി​പ​ത്യ​ത്തി​ലേ​ക്ക്​ വ​ഴി​തു​റ​ക്കാ​നി​ട​യാ​ക്കു​ന്ന തെ​ര​ഞ്ഞെ​ടു​പ്പാ​യി ഇത്​ മാ​റു​മോ എ​ന്നാ​ണ്​ ലോ​കം ആ​ശ​ങ്ക​യോ​ടെ വീ​ക്ഷി​ക്കു​ന്ന​ത്. ഇ​ന്ത്യ​യും ഉ​റ്റു​നോ​ക്കു​ന്ന തെ​ര​ഞ്ഞെ​ടു​പ്പാ​ണി​ത്. പ്രോഗ്രസീവ്​ പാർട്ടി ഒാഫ്​ മാലദ്വീപി​​​െൻറ​(പി.പി.എം) ബാനറിൽ നി​ല​വി​ലെ പ്ര​സി​ഡ​ൻ​റ്​ അ​ബ്​​ദു​ല്ല യ​മീ​ൻ ര​ണ്ടാ​മൂ​ഴം തേ​ടി മ​ത്സ​രി​ക്കു​ന്നു​ണ്ട്. യ​മീ​നെ നേ​രി​ടുന്നത്​ പ്ര​തി​പ​ക്ഷ പാ​ർ​ട്ടി​ക​ളുടെ സ​ഖ്യമായ മാലദ്വീപിയൻ ഡെമോക്രാറ്റിക്​ പാർട്ടിയാണ്​(എം.ഡി.പി). 30 വ​ർ​ഷ​ത്തെ ഏ​കാ​ധി​പ​ത്യ ഭ​ര​ണ​ത്തി​ന്​ അ​ന്ത്യം​കു​റി​ച്ച്​ 2008ൽ ​ജ​നാ​ധി​പ​ത്യ​രീ​തി​യി​ൽ അ​ധി​കാ​ര​ത്തി​ലേ​റി​യ മു​ഹ​മ്മ​ദ്​ ന​ശീ​ദി​നെ അ​ട്ടി​മ​റി​ച്ചാ​ണ്​ 2012ൽ 59​കാ​ര​നാ​യ യ​മീ​ൻ ഭ​ര​ണം ഏ​റ്റെ​ടു​ത്ത​ത്. 2015ൽ ഭീ​ക​ര​വി​രു​ദ്ധ​ക്കു​റ്റം ചു​മ​ത്തി ന​ശീ​ദി​നെ ജ​യി​ലി​ല​ട​ക്കു​ക​യും ചെ​യ്​​തു. ഇ​പ്പോ​ൾ അ​ദ്ദേ​ഹം ശ്രീ​ല​ങ്ക​യി​ൽ പ്ര​വാ​സ​ജീ​വി​തം ന​യി​ക്കു​ക​യാ​ണ്.

മാ​ല​ദ്വീ​പി​നെ സാ​മ്പ​ത്തി​കാ​ഭി​വൃ​ദ്ധി​യി​ലേ​ക്ക്​ ന​യി​ക്കാ​ൻ ആ​ഗ്ര​ഹി​ക്കു​ന്ന ദേ​ശീ​യ​വാ​ദി​യാ​യാ​ണ്​ യ​മീ​ൻ ജ​ന​ങ്ങ​ൾ​ക്കു മു​ന്നി​ൽ സ്വയം അ​വ​ത​രി​പ്പി​ക്കു​ന്ന​ത്. അ​തി​​ലേ​ക്കു​ള്ള ചു​വ​ടു​വെ​പ്പാ​ണ്​ നി​ർ​മാ​ണം പൂ​ർ​ത്തി​യാ​യ, മാ​ല​ദ്വീ​പി​നെ അ​ന്താ​രാ​ഷ്​​ട്ര വി​മാ​ന​ത്താ​വ​ള​വു​മാ​യി ബ​ന്ധി​പ്പി​ക്കു​ന്ന ര​ണ്ടു​ കി.​മീ. നീ​ള​മു​ള്ള പാ​ലം എ​ന്നാ​ണ്​ അ​വ​കാ​ശ​വാ​ദം. ഇൗ ​പ​ദ്ധ​തി​ക​ൾ​ക്കെ​ല്ലാം വാ​യ്​​പ ന​ൽ​കി സ​ഹാ​യി​ക്കു​ന്ന​ത്​ ചൈ​ന​യാ​ണ്. 12.6 കോ​ടി ഡോ​ള​റാ​ണ്​ പാ​ല​ത്തി​​​െൻറ നി​ർ​മാ​ണ​ത്തി​നു ചെ​ല​വി​ട്ട​ത്. മാ​ല​ദ്വീ​പി​​​െൻറ മൊ​ത്ത ആ​ഭ്യ​ന്ത​ര ഉ​ൽ​പാ​ദ​ന​ത്തെ​ക്കാ​ൾ കൂ​ടു​ത​ലാ​ണ്​ ക​ട​ബാ​ധ്യ​ത. ചൈ​ന​യു​ടെ സ്വാ​ധീ​നം വ​ർ​ധി​ച്ച​േ​താ​ടെ പ​ടി​ഞ്ഞാ​റ​ൻ രാ​ജ്യ​ങ്ങ​ളി​ലെ ന​യ​ത​ന്ത്ര​പ്ര​തി​നി​ധി​ക​ൾ രാ​ജ്യം വി​ടേ​ണ്ടി​വ​രു​മെ​ന്ന ആ​ശ​ങ്ക​യി​ലാ​ണ്​ താ​നും. എ​തി​ർക്കു​ന്ന​വ​രെ ഒ​ന്ന​ട​ങ്കം ജ​യി​ലി​ല​ട​ക്കു​ന്ന സ​മീ​പ​ന​മാ​ണ്​ യ​മീ​​േ​ൻ​റ​ത്. ഇൗ ​വ​ർ​ഷം ഫെ​ബ്രു​വ​രി​യി​ൽ ന​ശീ​ദ്​ ഉ​ൾ​പ്പെ​ടെ ജ​യി​ലി​ൽ ക​ഴി​യു​ന്ന പ്ര​തി​പ​ക്ഷ നേ​താ​ക്ക​ളെ വി​ട്ട​യ​ക്ക​ണ​മെ​ന്ന സു​പ്രീം​കോ​ട​തി വി​ധി​​യെ​ത്തു​ട​ർ​ന്ന്​ രാ​ജ്യ​ത്തു ന​ട​ന്ന കോ​ലാ​ഹ​ല​ങ്ങ​ൾ ഒാ​ർ​ക്കു​ക. രാ​ജ്യ​ത്ത്​ 45 ദി​വ​സം അ​ടി​യ​ന്ത​രാ​വ​സ്​​ഥ പ്ര​ഖ്യാ​പി​ച്ച യ​മീ​ൻ വി​ധി പു​റ​പ്പെ​ടു​വി​ച്ച ചീ​ഫ്​ ജ​സ്​​റ്റി​സ്​ ഉ​ൾ​പ്പെ​ടെ ര​ണ്ടു​ ജ​ഡ്​​ജി​മാ​ർ​ക്ക്​ ജ​യി​ൽ​ശി​ക്ഷ വാ​ങ്ങി​ക്കൊ​ടു​ക്കാ​നും മ​റ​ന്നി​ല്ല. പ്ര​തി​സ​ന്ധി രൂ​ക്ഷ​മാ​യ​തോ​ടെ ന​ശീ​ദ്​ ഇ​ന്ത്യ​യു​ടെ​യും യു.​എ​സി​​​െൻറ​യും സ​ഹാ​യം തേ​ടു​ക​യും ചെ​യ്​​തു.

യു​വാ​ക്ക​ൾ​ക്ക്​ തൊ​ഴി​ൽ ന​ൽ​കു​മെ​ന്നാ​ണ്​ യ​മീ​​​െൻറ തെ​ര​ഞ്ഞെ​ടു​പ്പ്​ വാ​ഗ്​​ദാ​നം. രാ​ജ്യ​ത്ത്​ സ്വ​ത​ന്ത്ര തെ​ര​ഞ്ഞെ​ടു​പ്പ്​ ന​ട​ക്കാ​ൻ സാ​ധ്യ​ത​യി​ല്ലെ​ന്നാ​ണ്​ വി​ല​യി​രു​ത്ത​ൽ. എ​ന്നാ​ൽ, തെ​ര​ഞ്ഞെ​ടു​പ്പ്​ അ​ട്ടി​മ​റി​ക്കാ​ൻ ശ്ര​മം​ന​ട​ത്തി​യാ​ൽ ഉ​പ​രോ​ധം ചു​മ​ത്തു​മെ​ന്ന​ ഭീ​ഷ​ണി​യു​മാ​യി യു.​എ​സും യൂ​റോ​പ്യ​ൻ യൂ​നി​യ​നും പി​ന്നാ​ലെ​യു​ണ്ട്. യു.​എ​സും യൂ​റോ​പ്യ​ൻ യൂ​നി​യ​നും ഇ​ക്കു​റി തെ​ര​ഞ്ഞെ​ടു​പ്പ്​ നി​രീ​ക്ഷ​ക​രെ അ​യ​ക്കു​ന്നി​ല്ല. 2013ൽ ​നേ​രി​യ ​േവാ​ട്ടു​ക​ളു​ടെ ഭൂ​രി​പ​ക്ഷ​ത്തി​ലാ​ണ്​ യ​മീ​ൻ അ​ധി​കാ​ര​ത്തി​ലേ​റി​യ​ത്. ഇ​ക്കു​റി ആ ​ഭൂ​രി​പ​ക്ഷം പോ​ലു​മു​ണ്ടാ​കി​ല്ലെ​ന്നാ​ണ്​ പ്ര​തി​പ​ക്ഷ പാ​ർ​ട്ടി​ക​ളു​ടെ വി​ല​യി​രു​ത്ത​ൽ.

ന​ശീ​ദി​​​െൻറ അ​ഭാ​വ​ത്തി​ൽ ഇ​​ബ്രാ​ഹീം മു​ഹ​മ്മ​ദ്​ സാ​ലി​ഹ്​ ആ​ണ്​ പ്ര​തി​പ​ക്ഷ പ്ര​സി​ഡ​ൻ​റ്​ സ്​​ഥാ​നാ​ർ​ഥി. പാ​ർ​ല​​മ​​െൻറം​ഗ​മാ​ണ്​ അ​ദ്ദേ​ഹം. ജ​നാ​ധി​പ​ത്യം പു​നഃ​സ്​​ഥാ​പി​ക്കു​മെ​ന്നും യ​മീ​നെ​തി​രാ​യ അ​ഴി​മ​തി​​യാ​രോ​പ​ണ​ങ്ങ​ൾ അ​ന്വേ​ഷി​ക്കു​മെ​ന്നു​മാ​ണ്​ അ​ദ്ദേ​ഹ​ത്തി​​​െൻറ വാ​ഗ്​​ദാ​ന​ങ്ങ​ൾ. പൊ​തു​ടെ​ൻ​ഡ​ർ വി​ളി​ക്കാ​തെ ബി​സി​ന​സു​കാരന്​ ര​ണ്ടു​ ദ്വീ​പു​ക​ൾ വാ​ങ്ങാ​ൻ യ​മീ​ൻ വ​ഴി​വി​ട്ടു സ​ഹാ​യം ന​ൽ​കി​യെ​ന്നാ​ണ്​ ആ​രോ​പ​ണ​ങ്ങ​ളി​ലൊ​ന്ന്. പ്ര​ത്യു​പ​കാ​ര​മാ​യി സിം​ഗ​പ്പൂ​രി​ലെ ശ​ത​കോ​ടീ​ശ്വ​ര​നി​ൽ​നി​ന്ന്​ സ​മ്മാ​ന​ങ്ങ​ൾ കൈ​പ്പ​റ്റി​യ​താ​യു​മു​ള്ള റി​പ്പോ​ർ​ട്ട്​ അ​ഴി​മ​തി​വി​രു​ദ്ധ സ​മി​തി ക​ഴി​ഞ്ഞ​ദി​വ​സം പു​റ​ത്തു​വി​ട്ടി​രു​ന്നു.