ഐറിസ് മെറ്റനിയര്‍ വിശ്വസുന്ദരി

മനില: ഈ വര്‍ഷത്തെ വിശ്വ സുന്ദരിപ്പട്ടം ഫ്രാന്‍സില്‍നിന്നുള്ള ഐറിസ് മെറ്റനിയര്‍ക്ക്. കഴിഞ്ഞ വര്‍ഷത്തെ മിസ് ഫ്രാന്‍സായി തെരഞ്ഞെടുക്കപ്പെട്ട ഈ 23കാരി മെഡിക്കല്‍ വിദ്യാര്‍ഥിനിയാണ്. ഫിലിപ്പെന്‍സ് തലസ്ഥാനമായ മനിലയിലാണ് മിസ് വേള്‍ഡ് മത്സരങ്ങള്‍ നടന്നത്. ഇന്ത്യയില്‍നിന്നുള്ള രോഷ്മിത ഹരിമൂര്‍ത്തി മത്സരത്തില്‍ പങ്കെടുത്തിരുന്നുവെങ്കിലും ആദ്യ 13ല്‍ ഇടംപിടിക്കാനായില്ല. 2000ല്‍ ലാറ ദത്തക്കുശേഷം ഇന്ത്യയില്‍നിന്നാരും  വിശ്വസുന്ദരിപ്പട്ടം നേടിയിട്ടില്ല. സുസ്മിത സെന്നാണ് (1994) ഈ പട്ടം കരസ്ഥമാക്കിയ മറ്റൊരു ഇന്ത്യക്കാരി.