മുംബൈ ഭീകരാക്രമണ പരാമർശം: നവാസ്​ ​ശരീഫിന്​ സെനറ്റി​െൻറ രൂക്ഷ വിമർശനം

ഇസ്ലാമാബാദ്: മും​ബൈ ഭീകരാക്രമണത്തിൽ പാക്​ ബന്ധമുണ്ടെന്ന്​ പ്രസ്​താവിച്ച പാ​കി​സ്താ​ൻ മുൻ പ്ര​ധാ​ന​മ​ന്ത്രി ന​വാ​സ് ശ​രീ​ഫിന്​ ​െസനറ്റിൽ ശകാര വർഷം. ഭരണ- പ്രതിപക്ഷ കക്ഷി ഭേദമില്ലാതെ സെനറ്റർമാർ ശരീഫിനെതിരെ നിലപാടെടുത്തു. ശരീഫിനെതിരെ രാജ്യദ്രോഹക്കുറ്റം ചുമത്തണമെന്നും ചിലർ ആവശ്യപ്പെട്ടു. 

രാജ്യത്തെ അപമാനിക്കുന്ന തരത്തിൽ നിരുത്തരവാദപരമായ പ്രസ്​താവനയാണ്​ പാകിസ്​താൻ മുസ്​ലിം ലീഗ്​-എൻ​ നേതാവ്​ ശരീഫ്​ നടത്തിയത്​. പ്രസതാവന പിൻവലിച്ച്​ രാജ്യത്തോട്​ മാപ്പ്​ പറയണമെന്നും സെനറ്റ്​ ആവശ്യപ്പെട്ടു. മൂന്നു തവണ പ്രധാനമന്ത്രിയായ വ്യക്​തിയിൽ നിന്ന്​ ഇത്തരമൊരു പ്രസ്​താവന ഉണ്ടാകാൻ ഇടയായ സാഹചര്യം അന്വേഷണ വിധേയമാക്കണമെന്നും സെനറ്റംഗങ്ങൾ ആവശ്യപ്പെട്ടു. 

ഭരണത്തിലിരിക്കെ പി.എം.എൽ^ എൻ സഖ്യകക്ഷിയായ ജംഇയത്തെ​ ഉലമ ഇ ഇസ്​ലാം ഫസലും ശരീഫിനെ വിമർശിച്ചു. ശത്രുക്കളുടെ വിവരണം ശരീഫ്​ അംഗീകരിച്ചുവെന്ന്​ ജംഇയത്തെ​ ഉലമ പറഞ്ഞു. 
​
കഴിഞ്ഞ ദിവസം ഡോൺ പത്രത്തിന് നൽകിയ അഭിമുഖത്തിൽ 26/11 ഭീ​ക​രാ​ക്ര​മ​ണ​ത്തി​നു പി​ന്നി​ലെ പാ​ക്​​ബ​ന്ധത്തെക്കുറിച്ച് ന​വാ​സ് ശ​രീ​ഫ് തു​റ​ന്നു​സ​മ്മ​തി​ച്ചിരുന്നു. മാത്രമല്ല, അ​തി​ർ​ത്തി ക​ട​ന്ന് മും​ബൈ​യി​ലെ 150ഒാ​ളം പേ​രെ കൊ​ല്ലാ​ൻ ഭീ​ക​ര​രെ അ​നു​വ​ദി​ക്കു​ന്ന പാ​ക് ന​യ​ത്തെ ചോ​ദ്യം ​ചെ​യ്യു​ക​യും ചെ​യ്തിരുന്നു.

എ​ന്തു​കൊ​ണ്ട് ഈ ​ഭീ​ക​രാ​ക്ര​മ​ണ കേ​സി​ൽ ന​മു​ക്ക് വി​ചാ​ര​ണ പൂ​ർ​ത്തി​യാ​ക്കാ​ൻ ക​ഴി​യു​ന്നി​ല്ലെ​ന്നും ന​വാ​സ് ശ​രീ​ഫ് അ​ഭി​മു​ഖ​ത്തി​ൽ ചോ​ദി​ച്ചിരുന്നു. റാ​വ​ൽ​പി​ണ്ടി ഭീ​ക​ര​വി​രു​ദ്ധ കോ​ട​തി​യി​ൽ മും​െ​ബെ ഭീ​ക​രാ​ക്ര​മ​ണ കേ​സ് വി​ചാ​ര​ണ നി​ല​ച്ചി​രി​ക്കു​ക​യാ​ണ്. ഭീ​ക​രാ​ക്ര​മ​ണ​ത്തെ തു​ട​ർ​ന്ന് പാ​കി​സ്താ​ൻ സ്വ​യം ഒ​റ്റ​പ്പെ​ടു​ക​യാ​യി​രു​ന്നു. ന​മ്മ​ൾ ന​മ്മ​ളെ സ്വ​യം ഒ​റ്റ​പ്പെ​ടു​ത്തു​ക​യാ​യി​രു​ന്നു. ന​മ്മു​ടെ വി​ശ​ദീ​ക​ര​ണം സ്വീ​ക​രി​ക്ക​പ്പെ​ട്ടി​ല്ല, അ​ഫ്ഗാ​നി​സ്താന്‍റേ​ത് സ്വീ​ക​രി​ക്ക​പ്പെ​ട്ടു. ഇ​ത് ന​മ്മ​ൾ പ​രി​ഗ​ണി​ക്കേ​ണ്ട​തു​ണ്ട്- ശ​രീ​ഫ് പ​റ​ഞ്ഞു. മും​ബൈ ഭീ​ക​രാ​ക്ര​മ​ണ​ത്തി​​​​​​​െൻറ സൂ​ത്ര​ധാ​ര​ൻ ഹാ​ഫി​സ് സ​ഈ​ദി​​​​​​​െൻറ​യും മൗ​ലാ​ന മ​സൂ​ദ് അ​സ്ഹ​റി​​​​​​​െൻറ​യും ഭീ​ക​ര​സം​ഘ​ട​ന​ക​ളാ​യ ജ​മാ​അ​ത്തു​ദ്ദ​അ്​വയെ​യും ജെ​യ്ശെ മു​ഹ​മ്മ​ദി​നെ​യും പേ​രെ​ടു​ത്ത് പ​റ​ഞ്ഞി​ല്ലെ​ങ്കി​ലും രാ​ജ്യ​ത്ത് ഭീ​ക​ര സം​ഘ​ട​ന​ക​ൾ സ​ജീ​വ​മാ​ണെ​ന്നും ശ​രീ​ഫ് പ​റ​ഞ്ഞിരുന്നു. 

എന്നാൽ ശരീഫിന്‍റെ പ്രസ്താവന വളച്ചൊടിക്കുകയായിരുന്നുവെന്ന് പ്രസ്താവനയിലൂടെ അദ്ദേഹത്തിന്‍റെ ഓഫിസ് അറിയിച്ചു. അഭിമുഖത്തെ ഇന്ത്യൻ മാധ്യമങ്ങൾ ദുർവ്യാഖ്യാനം ചെയ്യുകയായിരുന്നു. ഇതിന്‍റെ ചുവടുപിടിച്ച് ബോധപൂർവമായോ അബോധപൂർവമായോ പാകിസ്താൻ ഇലക്ട്രോണിക്-സോഷ്യൽ മീഡിയ വഴിയും ഇത്തരം പ്രചരണങ്ങളുണ്ടായി. അഭിമുഖത്തിലെ മുഴുവൻ വസ്തുതകളും പരിശോധിക്കാതെയുള്ള കുപ്രചരണം അപലപിക്കപ്പെടേണ്ടതാണ് എന്നും പ്രസ്താവനയിൽ പറഞ്ഞിരുന്നു.